Davron Fayziev: "Ixtiyor Toshpo'latovning yo'qligi bilindi"

"So'nggi daqiqalarda gol o'tkazib g'alabani qo'ldan chiqardik. Bugun ikki jamoa ham futbolda chegaradan chiqib kurashdi. Bizda gollar urib g'alabani mustahkamlab olish imkoniyatlari bo'lgandi.

Ixtiyor Toshpo'latovning yo'qligi bilindi. U bo'lganida ijobiy natijaga erishgan bo'lardik. Bugun muxlislarbop o'yin bo'ldi. Ikkala jamoa g'alabaga yaqin keldi.

Hisobda oldinga chiqqanimizdan so'ng futbolchilar bo'shashishdi, natijada gol o'tkazdik. Qahramon Bahodirov jarohat olib maydonni tark etdi. Bundan tashqari Izzat Abdullaevni maydonga tushirdim. Bu yosh futbolchidan gol kutgandim, afsus hayajon tufayli o'yinga kirishib keta olmadi", - deydi Fayziev.

“So'g'diyona” matbuoti xizmati