Coca Cola Superligasi. Eng kam gol o'tkazganlar to'qnashuvi, "Bunyodkor"ni safarda yuta olmagan "Navbahor" yoxud 8-tur prevyusi
05 iyu 2020 15:22
Yangiliklar
![](https://championat.asia/upload/storage/579003_original.jpg)
![](/upload/storage/579003_220.jpg)
Coca Cola Superligasi. Eng kam gol o'tkazganlar to'qnashuvi, "Bunyodkor"ni safarda yuta olmagan "Navbahor" yoxud 8-tur prevyusi
Coca Cola Superliga. 8-tur
6 iyul, dushanba
19:00 - LOKOMOTIV – SURXON (Mahalla TV LIVE)
Hakamlar: Ilgiz Tantashev, Artyom Kalinin, Sultonmurod Ulfatov, Naim Qosimov
Nazoratchi: Oleg Dachev
Komissar: Erkin Baxtiyorov
O'tgan turda ketma-ket uchta mag'lubiyatli seriyasiga barham bergan "Lokomotiv" beshta turdan buyon g'alaba nimaligini bilmayotgan "Surxon"ni qabul qiladi. Termizliklar ketma-ket to'rtinchi o'yinni safarda o'tkazishadi.
Bu ikki klub shu kunga qadar O'zbekiston chempionatida 4 bor to'qnash kelishgan. "Lokomotiv" bitta bahsda g'alaba qozongan, qolgan uchta o'yinda durang qayd etilgan. Yani "Surxon" hozirga qadar "Lokomotiv"ni umuman mag'lub eta olmagan.
Mazkur bahs Ravshan Haydarov uchun "Surxon" bosh murabbiyi sifatidagi dastlabki o'yini bo'ladi.
Lokomotiv Farrux Ibrohimov - 20', Marat Bikmayev - 68' |
Superliga. 8-tur 06/07/2020, 19:00 1
:
2
Tugadi
|
Surxon Jahongir Mehmonov - 31' |
20:00 - QIZILQUM – ANDIJON (Oilaviy TV LIVE)
Hakamlar: Akobirxo'ja SHukurullaev, Jalg'asbay Sarsenov, Damir Iskanderov, Sanjar Nazarov
Nazoratchi: Andrey Tambovcev
Komissar: Ramil Ilyasov
2020 yilgi O'zbekiston chempionatida g'alaba erisha olmagan ikkita klub o'rtasidagi bahs. "Qizilqum" bu mavsum so'nggi 4ta o'yinda raqiblari darvozasiga gol ura olmadi va 4 marta mag'lub bo'ldi. "Andijon" esa oxirgi ikkita turda ikki bor durang o'ynadi. Tachmurod Agamurodov boshchiligidagi jamoa bu mavsum o'z maydonida o'tkazilgan 4ta o'yinning barchasida imkoniyatni boy berdi.
Bu jamoalar hozirga qadar chempionat doirasida 32 marta o'zaro o'yin o'tkazishgan. To'qnashuvlarning teng yarmida navoiyliklar g'olib bo'lishgan, 13ta uchrashuvda "Burgutlar"ning qo'li baland kelgan, yana 3ta o'yinda durang kuzatilgan.
"Andijon" "Qizilqum" maydonida faqat bir bor g'alabaga erishgan (2012 yil) va safarda ketma-ket 4ta o'yindan buyon bu jamoani mag'lub eta olmayapti.
Qizilqum Sherali Jo’rayev - 69' |
Superliga. 8-tur 06/07/2020, 20:00 1
:
1
Tugadi
|
Andijon Siroj Meliyev - 90' |
20:00 - NASAF – METALLURG (SPORT TV LIVE)
Hakamlar: Aziz Asimov, SHohruh Azamov, Sardor Nishonboev, SHuhrat Rajabov
Nazoratchi: Noil Lutfullin
Komissar: Jahongir Rahmatullaev
"Nasaf" bu mavsum o'z maydonida umuman yutqazgani yo'q. "Metallurg" esa safarda o'tkazgan oxirgi 3ta o'yinning barchasida g'alabaga erishdi. "Metallurg" vakili Stanislav Andreev ketma-ket 3ta turda jami 4ta gol urdi.
Bu jamoalar hozirga qadar o'zaro 44ta o'yin o'tkazishgan. 27 bor "Ajdarlar" g'olib bo'lishgan. 11ta uchrashuvda bekobodliklar 3 ochkoga ega chiqishgan. Qolgan 6ta o'yinda tomonlar murosaga kelishgan. "Metallurg" Qarshida o'tgan 22ta o'yinning 2tasida g'olib bo'lgan (2019 va 2015 yillarda). Qizig'i o'tgan mavsum "Nasaf" Bekobodda, "Metallurg" esa Qarshida g'alaba qozongan.
Nasaf Akmal Mozgovoy - 90' |
Superliga. 8-tur 06/07/2020, 20:00 0
:
1
Tugadi
|
Metallurg |
7 iyul, seshanba
19:00 - PAXTAKOR – MASH'AL (Mahalla TV LIVE)
Hakamlar: Zokir Qodirov, Ruslan Samandarov, Baxtiyorxo'ja SHavkatov, Farruh Yansupov
Nazoratchi: Rashid Aytekov
Komissar: SHerzod Rajabov
"Paxtakor" o'z maydonida o'tgan 5ta o'yinning barchasida g'olib bo'ldi. "Mashal" esa safarda 3ta o'yin o'tkazib umuman g'alaba qozona olmadi. Muborak klubi oxirgi 3ta turda raqiblari darvozasiga yo'l topa olmagan bo'lsa, "SHerlar" so'nggi 3ta turda 10ta gol urishdi.
"Paxtakor" va "Mashal" bugunga qadar 34 bor o'zaro to'qnash kelishgan. 23 marta "Paxtakor" g'olib bo'lgan, 5 bor "Mashal" zafar quchgan. Qolgan 6ta bahsda durang kuzatilgan.
"Mashal" Toshkentda bu jamoani faqat bir bor (2005 yil) mag'lub etgan va bir bor durang o'ynagan (2007 yil) qolgan 15ta o'yinning barchasida "Paxtakor" o'z uyida g'olib bo'lgan. "Mashal" safarda 11ta o'yindan buyon "SHerlar"ni mag'lub eta olmay kelmoqda.
Paxtakor Eren Derdiyok - 25', Eren Derdiyok - 57', Dragan CHeran - 75' |
Superliga. 8-tur 07/07/2020, 19:00 0
:
3
Tugadi
|
Mash’al |
20:00 - AGMK – QO'QON-1912 (Dunyo Bo'ylab TV LIVE)
Hakamlar: Temur To'xtasinov, Anvar Marajabov, Ziyodulla Abdurahmonov, G'ayrat Jo'raev
Nazoratchi: Dmitriy Roman
Komissar: Axmed Tillaev
Bu mavsum hozirgacha eng kam gol o'tkazgan ikki klub o'rtasidagi bahs. AGMK ham, "Qo'qon-1912" ham 7ta o'yinda atigi 3tadan gol o'tkazib yuborishdi. AGMK dastlabki 7ta turda umuman mag'lub bo'lmagan yagona jamoa bo'lib turibdi. Mirjalol Qosimov boshchiligidagi olmaliqliklar oxirgi beshta o'yinning barchasida g'alabaga erishishdi. Baxtiyor Ashurmatov shogirdlari so'nggi 3ta turda 3ta g'alabaga erishishdi va umuman gol o'tkazishmadi. Qo'qonliklar o'z maydonida ajoyib o'ynashmoqda, lekin safarda buning mutlaqo aksi: 2ta o'yin, 2ta mag'lubiyat, to'plar nisbati: 0:2.
Hozirga qadar bu jamoalar 12 bor o'zaro o'yin o'tkazishgan. 7 marta olmaliqliklar zafar quchishgan, 3ta uchrashuvda qo'qonliklar g'olib bo'lishgan. Yana ikkita o'yinda durang qayd etilgan.
Olmaliqda o'tgan 6ta uchrashuvning faqat bittasida "Qo'qon-1912" muvaffaqiyat qozongan (2018 yil). O'tgan mavsum Olmaliqda kechgan bahsda mezbonlar 7:1 hisobida g'alaba qozonishgan. Bu AGMK tarixidagi eng yirik g'alaba sifatida qayd etilgan bo'lsa, "Qo'qon-1912" uchun eng yirik mag'lubiyati sifatida tarixga yozildi.
OKMK Elguzha Grigalashvili - 54', Sanjar Tursunov - 56' |
Superliga. 8-tur 07/07/2020, 20:00 1
:
2
Tugadi
|
Qo’qon-1912 YAkuba Bamba - 90' |
20:00 - SO'G'DIYONA – BUXORO (Oilaviy TV LIVE)
Hakamlar: Firdavs Norsafarov, Timur Galeev, Doniyor Saylavov, Komil Rasulov
Nazoratchi: Sayfiddin Ermatov
Komissar: Zohirjon Akramxonov
O'z maydonida umuman yutqazmagan "So'g'diyona" bu turda safarda umuman g'alaba qozona olmagan hamda gol ura olmagan "Buxoro"ni qabul qiladi. Umuman olganda Muhsin Muhammadiev boshchiligidagi buxoroliklar 2020 yilgi O'zbekiston chempionatida g'alaba qozona olmagan uchta klubdan biri bo'lib turibdi.
Bu ikki klub O'zbekiston chempionatida 48 marta o'zaro o'yin o'tkazishgan. 23ta uchrashuvda buxoroliklar, 18ta o'yinda jizzaxliklar g'alaba qozonishgan. 7 marta durang qayd etilgan. "So'g'diyona" o'z uyidagi oxirgi ikki uchrashuvda "Buxoro"ni ikki bor mag'lub etgan va umuman gol o'tkazmagan.
So'g'diyona Shohruz Norxonov - 22', ZHavohir Qahramonov - 59', Sahob Rashidov - 80' |
Superliga. 8-tur 07/07/2020, 20:00 1
:
3
Tugadi
|
Buxoro Bobur Farhodov - 49' |
20:00 - BUNYODKOR – NAVBAHOR (SPORT TV LIVE)
Hakamlar: Asker Najafaliev, Andrey Capenko, Timur Gaynullin, Alisher To'xtasinov
Nazoratchi: Bobur Haydarov
Komissar: Laziz Qo'chqorov
O'z maydonidagi barcha uchta o'yinda ham g'alabaga erishgan va gol o'tkazmagan "Bunyodkor" oxirgi uchta turda uchta g'alabaga erishgan "Navbahor"ni qabul qiladi.
Hozirga qadar bu jamoalar O'zbekiston chempionatida 28 bor to'qnash kelishgan. 19 marta toshkentliklar, 4 bor namanganliklar g'olib bo'lishgan.
Toshkentda o'tgan 14ta o'yinning 12tasida "Bunyodkor" g'alabaga erishgan, ikkita bahsda durang qayd etilgan. Yani "Navbahor" safarda "Qaldirg'ochlar"ni umuman mag'lub eta olmagan.
Bunyodkor Dilshod Ahmadaliev - 24', Shahboz Erkinov - 28', Selim Nurmuradov - 87' |
Superliga. 8-tur 07/07/2020, 20:00 1
:
3
Tugadi
|
Navbahor Igor Golban - 57' |
O’xshash yangiliklar
![AMP Logo](https://championat.asia/image/logo-amp.png)
Fikrlar