Championat.asia va Transfermarkt hamkorlikda Superligada sentyabr oyining eng yaxshilarini aniqladi

Ikkala sayt yana birgalikda Superligada oyning eng yaxshi murabbiyi va futbolchisini aniqladi. Ovoz berishda oktyabr oyi boshida bo'lib o'tgan O'zbekiston chempionatining 20-tur uchrashuvlari ham inobatga olindi.

Ushbu jarayonda Transfermarkt'ning rus tilidagi versiyasi xodimlari va “Championat.Asia” tahririyati ishtirok etdi, ekspert sifatida esa AGMK, “Bunyodkor” va O'zbekiston milliy terma jamoasining sobiq futbolchisi, bugungi kunda O'zbekiston futbolchilar Uyushmasi rahbari bo'lib ishlayotgan Kamoliddin Murzoev qatnashdi.

Sentyabr oyining eng yaxshi murabbiyi sifatida Ro'ziqul Berdiev etirof etildi. Uning qo'l ostida “Nasaf” uchta o'yinda uchta g'alaba qozonib, Superliga peshqadamiga aylandi. Berdievga respondentlarning 56 foizi ovoz berdi. Ikkinchi o'rinni “Neftchi” ustozi Vitaliy Levchenko egalladi – uning jamoasi ham uch o'yinda uch bor muvaffaqiyatga erishdi (37%).

Keskin kurashda “Nasaf” himoyachisi Husniddin Aliqulov Superliganing sentyabr oyidagi eng yaxshi futbolchisi deya topildi. U eng yaqin taqibchisi – “Paxtakor” azosi Hojiakbar Alijonovdan bor-yo'g'i bitta ovoz ko'p jamg'ardi. Aliqulov uch uchrashuvda bitta gol urdi va jamoasining g'alabalariga hissa qo'shdi.

Championat.asia va Transfermarkt hamkorlikda Superligada avgust oyining eng yaxshilarini aniqladi          

Championat.asia va Transfermarkt hamkorlikda Superligada iyun-iyul oyining eng yaxshilarini aniqladi          

Championat.asia va Transfermarkt hamkorlikda Superligada may oyining eng yaxshi futbolchisi hamda murabbiyini aniqladi