CAFA U-15 Boys Tournament: Afg'oniston ishonchli tarzda Tojikistonni mag'lubiyatga uchratdi

Avval xabar berilganidek, O'zbekiston o'smirlar termasi Qirg'iziston U-15 futbolchilari bilan kuch sinashib, 2:1 hisobida g'alaba qozondi.

Turning ikkinchi o'yinida mezbon Tojikiston va Afg'oniston o'smirlari bahs olib bordi. O'zbekistonlik hakamlar brigadasi boshqaruvida o'tkazilgan o'yinda afg'onistonlik yosh futbolchilar 3:1 hisobida g'alaba qozondi. Turkmaniston U-15 mazkur turda dam oldi. 

1-turdan keyin Afg'oniston o'smirlar termasi to'plar nisbati bo'yicha yaxshiroq natija qayd qilgan holda 1-o'rinda bormoqda. O'zbekiston U-15 termasi hozircha ikkinchi o'rinni egallab turibdi.

CAFA U-15 Boys Tournament
Tojikiston, Dushanbe
3 iyul, dushanba

Afg'oniston U-15 – Tojikiston U-15 - 3:1
Gollar: Fardin Nosiri (2), Sayid Ashgur Husayni (83, 90+6) – Fayziddin Nazarov (41)
Ogohlantirish: Fardin Nosiri (7)
Bosh hakam: Jasur Muxtorov (O'zbekiston).
Qanot hakamlari: Baxtiyor SHavkatov, Sultonmurod Ulfatov (ikkisi – O'zbekiston).
Zaxira hakami: Spartak Danilenko (Qirg'iziston).