Bundesliga, 6-tur. "Volfsburg" 16 yillik noxush ananaga chek qo'ydi yoxud tur sensaciya bilan boshlandi

Karlo Anchelotti boshchiligidagi "Bavariya" o'z uyida "Volfsburg"ni qabul qildi.
Birinchi bo'limda Robert Levandovski va Aren Robbenning kiritgan gollari evaziga hisobda oldinda borgan myunxenliklar, ikkinchi taymda o'z darvozalaridan ikkita gol o'tkazib yuborishdi.

Dastlab Arnoldning jarima zarbasidan kiritgan goli hisobni qisqartirgan bo'lsa, o'yin tugashiga oz vaqt qolganda Didavi boshi bilan Ulrayx qo'riqlayotgan darvozani ishg'ol etdi.

SHu tariqa yangi murabbiy Martin SHmidt bilan "Volfsburg" Myunxendan bir ochko bilan qaytadigan bo'ldi.
Bunga qadar jamoa 2001 yildan buyon "Bavariya" maydonini faqat mag'lubiyat bilan tark etayotgandi.
16 yillik noxush ananaga chek qo'ygan "bo'rilar" turning sensacion natijasini qayd etishdi.

"Bavariya" uchun bu joriy mavsumdagi ikkinchi yo'qotish bo'ldi.
Bunga qadar jamoa 3-turda "Xoffenxaym"ga imkoniyatni boy bergandi.

Martin SHmidt o'tgan yili "Maync" bilan ham Myunxenda "Bavariya"ni ranjitib qaytishga erishgandi.

- Tur prevyusi: Bundesliga: "Bavariya" ko'zi qonga to'lgan "bo'rilar"ning "o'ljasi"ga aylanadimi?

Bundesliga, 6-tur. Turnir jadvali

Bavariya – Volfsburg 2:2 (2:0, 0:2)

Alyanc-Arena

Gollar: 1:0 – 33, penalti Levandovski, 2:0 – 42 Robben, 2:1 – 56 Arnold, 2:2 – 83 Didavi.

Bavariya – Ulrayx, Xummels, Boateng, Rafinya, Robben (Xames, 85), Kimmix, Rudi, Vidal (Tolisso, 63), Riberi (Koman, 85), Myuller, Levandovski.

Volfsburg – Kastels, Uduoxay, Tisseran, Itter, Villiam (Blashchikovski, 46), Arnold, Kamacho (Didavi, 73), Malli, Gilavogi, Verxag, Origi (Bazur, 85).

Ogohlantirishlar: Vidal (13), Tisseran (18), Villiam (25).

Turning qolgan uchrashuvlari bugun va ertaga davom ettiriladi.

23 sentyabr, shanba
"Leypcig" - "Ayntraxt" (18:30)
"Xoffenxaym" - "SHalke" (18:30)
"Verder" - "Frayburg" (18:30)
"Maync" - "Gerta" (18:30)
"SHtutgart" - "Augsburg" (18:30)
"Borussiya" D - "Borussiya" M (21:30)

24 sentyabr, yakshanba
"Gannover" - "Kyoln" (18:30)
"Bayer" - "Gamburg" (21:00)