Bundesliga-2013/2014. Yakuniy jadval va qisqacha sharh

Ushbu mavsumda ko'pchilik kutganidek "Bavariya" jamoasi Germaniya chempionligini tantana qildi.
Xosep Gvardiola jamoasi ushbu masalani mart oyidayoq hal etib qo'yishganidan xabaringiz bo'lsa kerak.
Yurgen Kloppning "Borussiya"si esa bu mavsumda bir qator yo'qotish va jarohatlar girdobida qolib ketdi. Mavsum avvalida jamoa 4-5 o'rinlarda ham yurishga majbur bo'lgan edi. Ko'pchilik endi "Borussiya D" o'zini o'nglay olmaydi va jamoa buyog'iga faqatgina ECHL yo'llanmasi uchun kurash olib borsa kerak degan fikrni ilgari surgandi. Albatta, Ilkay Gyundogan, Subbotich, Bender, Xummels, Grosskroyc, SHmelcer, Blashikovski,  SHaxin kabi futbolchilarning bir muddat safdan chiqishi dortmundliklar uchun qattiq zarba bo'ldi. Lekin "Borussiya D" qo'mondoni Yurgen Klopp bu qiyin vaziyatdan ham chiroyli tarzda chiqib keta oldi. To'g'ri, jamoa chempion "Bavariya"ga kutilgan raqobitni taqdim eta olmadi. Ammo Dortmund jamoasi chempionatda ikkinchi pog'onaga chiqib oldi va Germaniya kubogi finaliga ham yo'l ola bildi. "Borussiya D"ga ikkinchi o'rin uchun "Bayer", "Volfsburg", "Borussiya M" va "SHalke" jamoalari etarlicha qarshilik ko'rsatishga urinib ko'rishdi.
Yakunda "Bavariya" birinchi, "Borussiya D" ikkinchi, "SHalke" uchinchi va "Bayer" klubi to'rtinchi o'rinda chempionatni yakunlashdi.
"Volfsburg" jamoasi har qancha urinmasin, lekin ularga CHempionlar ligasi yo'llanmasini qo'lga kiritish nasib etmadi.
Myonxengladbaxning "Borussiya" klubi ham mavsumni bir tekisda o'tkazayotgandi. Lekin chempionat so'nggida ularda inqiroz kuzatildi. Ketma-ket yo'qotilgan ochkolar o'rnini to'ldirish ularga oson bo'lmadi va yakunda faqatgina Evropa ligasi uchun berilgan yo'llanmani qo'lga kiritishdi.
"Ayntraxt B" va "Nyurnberg" jamoalari bundesligani tark etishga majbur bo'lishdi. "Gamburg" klubi esa pley-off o'tish bosqichida ishtirok etadi.

Bundesliganing bu yilgi karvoni ham o'z manziliga etib keldi. Ushbu chempionat yakunlari va qiziqarli malumotlari haqida hali batafsil to'xtalib o'tamiz! Germaniya futboli ishqibozlarini oldinda yana bir nemischa futbol janggi kutib turibdi.

Ha, bu Germaniya kubogi final uchrashuvi. Mavsumni ajoyib futbol bellashuvi bilan yakunlash uchun bundanda kuchli va qiziqarliroq bahsni o'ylab topish juda qiyin bo'lsa kerak. Demak 17 may kuni "Borussiya Dortmund" va "Bavariya" jamoalari Germaniya kubogi uchun bahs boylashadi!

Bundesliganing ushbu mavsumdagi so'nggi golini qariya Pizarro kiritdi

"Bavariya" chempionlik bayramiga chiroyli tayyorgarchilik qilishgan

Koreya terma jamoasi azosi Son Xin Min bu mavsumda "Bayer"ning etakchi futbolchilaridan biri bo'ldi

"Alyanc-Arena" juda chiroyli ko'rinishda

"Borussiya D" futbolchilari Levandovskini tabriklashdi

Germaniya chempionati, 2013/2014 mavsum.
Turnir jadvali

To'purarlar