Bugun SHarjadagi stadionda Gulsanam Mamazoitova "kuylaydi"
09 jan 2019 09:47
Yangiliklar
![](https://championat.asia/upload/storage/471085_original.jpg)
![](/upload/storage/471085_220.jpg)
Bugun SHarjadagi stadionda Gulsanam Mamazoitova "kuylaydi"
Vatanimizdan ko'plab muxlislar BAAga etib kelishgan. Qolaversa BAAda ishlab yoki o'qiyotgan ko'plab vatandoshlarimiz ham bugun SHarja shahriga etib kelishlari kutilmoqda. Bugun O'zbekiston terma jamoasi futbolchilari o'zlarini xuddi o'z maydonlarida o'ynagandek his qilishadi.
Bugungi kun o'zbekistonlik muxlislar uchun haqiqiy bayramga aylanadi. OFK Osiyo Kubogini muxlislar uchun qiziqarli, bayramdek o'tishi uchun astoydil harakat qilmoqda.
Bugun "SHarja" stadionida O'zbekiston - Ummon terma jamoalari uchrashuvi ham bayramdek o'tadi deb ayta olamiz. O'yindan oldin futbolchilar mashg'ulot o'tkazayotgan paytda, stadionda har ikki jamoa muxlislari uchun ularning sevimli sanatkorlari ijrosidagi qo'shiqlar qo'yiladi. O'zbekistonlik muxlislar Husniddin Xoliqov ijrosidagi "O'zbekiston", Gulsanam Mamazoitova ijrosidagi "Futbol", Yulduz Usmonova ijrosidagi "O'zbekiston" qo'shiqlarini tinglab raqsga tushishlari, birgalikda jo'r bo'lib kuylashlari mumkin bo'ladi.
SHuningdek tashkilotchilar uchrashuvning tanaffus vaqtida har ikki jamoaning eng faol muxlisiga o'zlarining esdalik sovg'asi, musobaqa to'pini sovg'a qilishadi. Bu sovg'a musobaqa homiysi hisoblangan "Continental" shinalar ishlab chiqarish kompaniyasi tomonidan taqdim qilinadi.
Yana bir yangilik uchrashuv bosh hakami o'yinni muxlislarning buyruqlariga qarab boshlaydi. Stadiondagi muxlislar stadion suxandoniga jo'r bo'lib ingliz tilida 10dan birgacha sanaydilar va bir deyilishi bilan hakam hushtagini chaladi. Ishoning bu juda ajoyib chiqadi.
Demak O'zbekiston - Ummon uchrashuvini stadiondan tomosha qilib ham zavq olish hamda sovg'aga ega bo'lish imkoniyati mavjud. Buning uchun esa futbolchilarimizni astoydil qo'llab - quvvatlash kerak bo'ladi. Bundan tashqari tashkilotchilar o'yin boshlanguncha ham stadion atrofida turli ko'ngilochar tadbirlarni uyushtirib, bu erda ham muxlislarga turli tuman esdalik sovg'alarni qo'lga kiritish imkoniyatni yaratishgan. Ha bugun jamoamiz g'alaba qozonsa bayram to'yga aylanib ketadi. Futbolchilarimiz ham muxlislarning bayram qilishlari uchun bor kuch va g'ayratlarini ishga solishlariga shubhamiz yo'q.
Olg'a O'zbekiston !!!
Akramjon Mamadaliev SHarjadan mahsus
O’xshash yangiliklar
![AMP Logo](https://championat.asia/image/logo-amp.png)
Fikrlar