Braziliya prezidenti mamlakat futbol ishqibozlarini qo'llab-quvvatlash maqsadida qo'shiq kuyladi

Bu haqda The New York Times xabar bermoqda.

Rusef taniqli braziliyalik bastakor Paolo Vanzolinining Pick Yourself Up qo'shig'idan bir necha bandni kuylagan.

Braziliya terma jamoasi Germaniyaga qarshi JCH-2014 yarim final o'yinida 1:7 hisobida mag'lub bo'lgandi, bu besh karra jahon chempionlarining mundiallar tarixidagi eng yirik mag'lubiyatidir.

O'yindan so'ng g'azablangan ishqibozlar San-Paulu shahrida bir necha avtobus va mashinalarni yoqib yuborishgandi. Ushbu hodisa va Resifidagi tartibsizliklardan tashqari, Braziliyaning mag'lubiyati sabab boshqa ko'ngilsizliklar yuz bergani yo'q.

Rusefning bir qator raqiblari Braziliya terma jamoasining ushbu mag'lubiyat uning oktyabrda bo'lajak prezidentlik saylovlaridagi shaxsiy mag'lubiyatining debochasi bo'lganini takidlashdi. Bunga javoban amaldagi prezident futbol va siyosatni bir-biriga aralashtirmaslikka chaqirdi.

Braziliyadagi jahon chempionati arafasida mamlakatni ommaviy norozilik namoyishlari qamrab olgandi. Namoyishchilar mundialni o'tkazish uchun juda katta xarajatlar qilinayotganiga nisbatan etiroz bildirishgan edi.

JCH-2014 finalida Germaniya terma jamoasi Argentinaga qarshi bahs olib boradi. 3-o'rin uchun o'tkazilgan o'yinda esa Braziliya terma jamoasi Gollandiyaga 0:3 hisobida imkoniyatni boy berdi.