"Brayton" bosh murabbiyi qizil kartochkani hakamlarning xatosi deb hisobladi

Uchrashuvning 52-daqiqasida "Brayton" himoyachisi Lyuis Dank o'z jarima maydonchasiga bir qancha metr qolganida Entoni Elangani ushlab qolib yiqitdi. Bosh hakam avvaliga futbolchiga sariq kartochka berdi. Keyinchalik vaziyatni VAR orqali kuzatib, qarorini qizil kartochkaga o'zgartirdi.

"Bu o'yin dinamikasida sariq kartochka edi. Uebster uning yaqinida turgandi. SHu sababli bu fol so'nggi umid foli emasdi. Agarda hakam videokuzatuvsiz qizil kartochka berganida buni tushunsa bo'lardi. Ammo bu vaziyatga nima uchun VAR aralashganini tushunmadim. Qizil kartochka yaqqol emasdi va bu hakamning xatosiga aylandi.

Birinchi bo'limda raqibdan yaxshiroq o'ynadik. Barchasi ikkinchi bo'limda o'zgarib ketdi. Ijobiy holatlar ko'p bo'ldi, futbolchilarim bilan fahrlanaman. Balki ikkinchi bo'limda urmagan vaziyatlarimiz uchun jazolangandirmiz.

Xafamiz. O'yin nazorati bizda edi. Biroq ikkinchi taymni yaxshi boshlay  olmadik. Raqiblar to'pni o'zlariniki qilib olishdi va bizga berishmadi. Keyin esa gol urishdi. Ammo bunga qadar barchasi bizning tashabbusimiz ostida edi.

Qizil kartochka meni biroz ranjitdi. "Old Trafford"da raqibdan bir kishi kam bo'lib o'ynadik. To'sinni poyladik, Uelbekdagi vaziyat... Ha, natijadan biroz xafaman, lekin, futbolchilarimning bugungi o'yinidan mamnunman. Bugun 3 ochko olishimiz mumkin edi", - dedi Potter.