Birinchi liga. “SHarq” mintaqasi, 9-tur statistikasi!

14-15 may kunlari birinchi liganing “sharq” mintaqasidan o'rin olgan 9-tur o'yinlari bo'lib o'tdi. Odatdagidek, turning etiborga molik jihatlariga to'xtalib o'tamiz.

“OQ-TEPA” ASOSIY RAQIBNI MAG'LUB ETDI!
Mazkur mintaqada oliy ligaga chiqish uchun asosiy davogarlar sifatida qaralayotgan “Oq-tepa” va “Qo'qon-1912”  9-turga kelib Toshkentda kuch sinashdi. Bu jamoalarning to'qnashuvi muxlislarda katta qiziqish uyg'otdi. Sababi turning markaziy uchrashuvlaridan biri sifatida qaralgan bahs qo'proq qo'qonlik muxlislarning diqqat markazida turgandi. SHu bois ular Qo'qon-1912dan g'alaba kutayotgandi. Ammo garchi uchrashuvda birinchi bo'lib hisobni qo'qonliklar ochgan bo'lsa-da, uchrashuv so'nggilariga borib, maydon egalari irodali g'alabaga erishdi. Ushbu mag'ulbiyatdan keyin Qo'qon-1912 turnir jadvalida 3-o'ringa tushib ketdi. “Oq-tepa” esa turnir jadvalida 1-o'ringa ko'tarilib oldi.

9-turning boshqa uchrashuvlariga to'xtaladigan bo'lsak, safardan g'alaba bilan qaytgan jamoa birgina “Lokomotiv-BFK” bo'ldi. Leonid Senkevich shogirdlari “Kosonsoy” mehmoni bo'lib, 2:1 hisobida muvaffaqiyat qozondi.

“Paxtakor-2” ham ushbu turda “Obod” ustidan yirik hisobda g'alaba qozondi.
Toshkentda kechgan yana bir kichik derbida “Istiqlol” – “Bunyodkor-2” bahsida maydon egalari 4:2 hisobida g'alaba qozongan.

SHuningdek ushbu turda Uychida ham Namangan derbisi bo'lib o'tdi. Unda maydon egalari “Xotira-79” yon qo'shnisi “CHust-Paxtakor”ni qabul qildi va 2:1 natijasi bilan g'alaba qozondi. Usmon Asqaraliev boshqaruvidagi “Xotira-79” ushbu g'alabadan so'ng, turnir jadvalida 2-o'rindan joy oldi. Uychiliklar peshqadamdan faqat to'plar nisbatiga ko'ra ortda qolayotganini ham aytib o'tish kerak.

GOLLAR
* Ortda qolgan 9-turning 6ta o'yinida, jami 23ta gol qayd etildi. Har bir o'yinga o'rtacha 3,83tadan gol to'g'ri kelmoqda!
* Kiritilgan gollardan 16tasi mezbon jamoalar hisobiga yozilgan.
* Qolgan 7ta golni esa mehmonlar kiritgan.
* Uchrashuvlarning birinchi bo'limida muxlislar 7ta gol ko'rishga muvaffaq bo'ldi!
* Ikkinchi taymda esa sermahsullik yanada oshdi va unda 16ta gol kiritildi!
* Turning eng tezkor goli muallifi Rashid SHarofutdinov bo'ldi. “Paxtakor-2” sardori  7-daqiqada “Obod” darvozabonini ranjita oldi!
* Aksincha turning eng so'nggi goli ham “Paxtakor-2” – “Obod” uchrashuvida qayd etildi. Mezbonlardan Dian Talxatov 90+4-daqiqada penaltidan to'p kiritib, jamoasining yirik g'alabasiga hissa qo'shdi.
* 9-tur o'yinlarini boshqarib borgan hakamlar hammasi bo'lib 4ta penalti belgilashga qaror qildi. Etiborlisi nuqtagan yaqinlashgan barcha futbbolchilar adashmadi va raqib posbonlarini alday oldi!

* Penalti tepgan futbolchilar:
Rashid SHarofutdinov (“Paxtakor-2”).
Dian Talxatov (“Paxtakor-2”).
Islombek Isoqjonov (“Xotira-79”).
Abdurazzoq Jo'raev (“Kosonsoy”).
* “Istiqlol” futbolchisi SHoxruz Norxonov 9-turda dublga erishgan yagona futbolchi bo'ldi!

OGOHLANTIRISH VA CHETLATISH
* Bo'lib o'tgan uchrashuvlarda jami 23 nafar futbolchi sariq kartochka bilan ogohlantirildi. Bu har bir bahsga o'rtacha, 3,83tadan sariq demakdir!
* Mezbon jamoalarning 13ta futbolchisiga sariq ko'rsatilgan.
* Qolgan 10ta ogohlantirish esa mehmonlar hisobiga yozilgan.
* Hakamlar birinchi bo'limda 9ta futbolchini sariq bilan “siyladi”.
* Ikkinchi taymda esa yana 14ta futbolchi ogohlantirildi!
* SHuningdek 9-turda qizil kartochka olib, maydonni barvaqt tark etgan futbolchilar ham uchradi. Ularning soni 4tani tashkil etdi!
* Ilmiddin Mamatboqiev (“CHust-Paxtakor”), Davron Jo'raqulov (“UzDongJu”), hamda Bekzod Omonullaev (“Obod”) to'g'ridan-to'g'ri qizil kartochka olib maydonni tark etgan bo'lsa, “Qo'qon-1912” himoyachisi Xurshid Uzoqboev “Oq-tepa” bilan uchrashuvda ikkinchi sariqni olib, maydonni erta tark etishga majbur bo'ldi.
* Etiborlisi ushbu turda maydondan chetlatilgan futbolchilarning ikkitasi darvozabonlardir!
* Yana bir fakt: qizil kartochka olib maydondan chetlatilgan o'yinchilarning jamoalari ushbu turda mag'lub bo'lgan!

9-TURNI JAMI 4337TA MUXLIS KUZATGAN
“SHarq” mintaqasi muxlislar tashrifi borasida maqtana olmaydi. Ayniqsa Toshkent jamoalari bu borada ancha passiv. Bu haqda oldinga maqolalarimizda ham to'xtaldik. Lekin ijobiy tomonga o'zgarish kuzatilmayapti. Balki birinchi liga hech kimni qiziqtirmay qo'ygandir, deb o'ylanib qolasan kishi.
9-turning 6ta o'yiniga 4337ta muxlis kirgani ham yuqoridagi so'zlarimizga isbot bo'la oladi. Bu har bir uchrashuvga o'rtacha 722tadan tomoshabin kirganini anglatadi!  
“Paxtakor-2” – “Obod” o'yiniga 58ta muxlis kirgani uchrashuv qaydnomasida yozib ko'rsatilgan.

Aksincha eng ko'p tomoshabin tashrif buyurgan uchrashuv “Xotira-79” – “CHust-Paxtakor” bo'ldi. Mazkur Namangan derbisini 3112 nafar ishqiboz bevosita stadionda kuzatgan!

Tomoshabinlar tashrifi kimda qanday?
Xotira-79  – CHust-Paxtakor  – 2:1. 3112 tomoshabin.
Kosonsoy – Lokomotiv-BFK – 1:2. 733 tomoshabin.
Istiqlol - Bunyodkor-2 - 4:2. 78 tomoshabin.
Paxtakor-2 – Obod – 4:0. 58 tomoshabin.
Oq-tepa – Qo'qon-1912 – 2:1. 325 tomoshabin.
NBU-Osiyo - Uz-Dong-Ju – 3:1. 31 tomoshabin.


9-turdan keyingi holat

#	Jamoa	O'	YU	D	M	UG - O'G	T-N	O
1	Oq-tepa	9	6	1	2	15 - 9	6	19
2	Xotira-79	9	6	1	2	13 - 7	6	19
3	Qo'qon-1912	9	5	3	1	16 - 5	11	18
4	NBU-Osiyo	9	5	1	3	14 - 10	4	16
5	Kosonsoy	9	4	1	4	18 - 16	2	13
6	Istiqlol	9	4	1	4	17 - 20	-3	13
7	UzDongJu	9	4	0	5	13 - 14	-1	12
8	Obod	9	4	0	5	11 - 15	-4	12
9	Lokomotiv BFK	9	2	3	4	6 - 10	-4	9
10	Bunyodkor-2	9	2	2	5	12 - 17	-5	8
11	Paxtakor-2	9	2	2	5	9 - 15	-6	8
12	CHust-Paxtakor	9	2	1	6	9 - 16	-7	7

TO'PURARLAR:
Isroil Tursunov (“Istiqlol”) – 7ta.
Islombek Isoqjonov (“Xotira-79”) – 6ta.
Abdulatif Abduqodirov (“NBU-Osiyo”) – 6ta.
Farhod SHokirov (“CHust-Paxtakor”) – 6ta.
Davron Isoqov (“Kosonsoy”) – 5ta.
Umid Qodirov (“Qo'qon-1912”) – 5ta.
Abdurazzoq Jo'raev (“Kosonsoy”) – 5ta.

OSTONAMIZDAGI UCHRASHUVLAR
10-tur. 17 may (shanba)
“Xotira-79” – “Lokomotiv-BFK”
“Kosonsoy” – “CHust-Paxtakor”
“Istiqlol” – “Obod”
“Paxtakor-2” – “Bunyodkor-2”
18 may (yakshanba)
“Oq-tepa” – “Uz-Dong-Ju”
“NBU-Osiyo” – “Qo'qon-1912”

Islombek Rustambekov tayyorladi.