Birinchi liga. “G'arb” mintaqasi, 8-tur statistikasi!

SAFARDA BIRGINA “SHERDOR” G'ALABA QOZONDI
8-turdan o'rin olgan o'yinlarning 5tasida mezbonlar g'alaba qozongan. Faqat birgina “SHerdor” mehmondan uch ochko bilan qaytdi. Samarqand jamoasi liga debyutanti “G'ijduvon” maydoniga safar uyushtirib 1:0 hisobidagi g'alaba bilan qaytdi.

Turnir jadvalida quyi pog'onalarga sho'ng'ib ketgan “Registon” bu turda “Guliston”ni qabul qilib, 2:0 hisobida g'alaba qozondi. Ushbu qo'lga kiritilgan uch ochkodan so'ng registonliklar turnir jadvalida 10-o'ringa ko'tarilib oldi.

CHempionatda hamon mag'lubiyatga uchramay kelayotgan “SHo'rtan” bu turda “Zomin”ni qbalu qildi. Muxtor Qurbonov jamoasi shu kuni raqibini ayab o'tirmadi va naqd 5ta gol kiritib yirik hisobda g'alabaga erishdi.

Tarkibi akademiya tarbiyalanuvchilaridan tashkil topgan “Mashal-2” ham chempionatda shunchaki ishtirok etmasligini bir necha uchrashuvlardan buyon isbotlab kelmoqda. Dilshod Andaev jamoasi garchi safarda u qadar muvaffaqiyatli natija qayd eta olmayotgan bo'lsa-da, o'z uyidagi bahslarni g'alaba bilan yakunlamoqda. Muborakliklar bu turda “G'allakor-Avtomobilchi”ni qabul qildi Humoyun Murtazoevning yagona goli evaziga uch ochkoni qo'lga kiritdi.
Nematulla Qutiboev jamoasi ham bu yil ancha dadil. O'tgan mavsum muxlislar kutgan o'yinni ko'rsata olmagan nukusliklar joriy mavsum ko'pchilikni hayratlantirmoqda.

Boshqacha aytganda “g'arb” mintaqasida chaqilmas yong'oqqa aylanib bormoqda. “Orol” mazkur turda “Spartak”ni qabul qilib 3:0 hisobida g'alaba qozondi. Ushbu muvaffaqiyatdan keyin jamoa turnir jadvalida 3-o'ringa mustahkam o'rnashib oldi. Bu esa nukuslik futbol shinavandalarini behad quvontirishi turgan gap!

Turnir jadvalida peshqadam ketidan quvishda davom etayotgan “Xorazm” 8-turda “Alanga”ni qabul qildi va muxlsilari qarshisida o'ynab g'alabaga erishdi. Mansur Davletov boshqaruvidagi jamoa 3:1 hisobida muvaffaqiyat qozondi.   

GOLLAR
* Ushbu turda qayd etilgan gollar soni 16tani tashkil etdi. Bu har bir bahsga o'rtacha 2,66tadan gol demakdir.
* Umumiy gollardan 14tasini mezbon jamoalar kiritishgan.
* Qolgan 2ta gol esa mehmonlar hisobiga yozilgan.
* Uchrashuvlarning birinchi taymida muxlislar 10ta golga guvoh bo'lishdi.
* Ikkinchi bo'limda esa yana 6ta gol kuzatildi.
* Turning eng tezkor goliga Humoyun Murtazoev mualliflik qildi. “Mashal-2” hujumchisi  4-daqiqada “G'allakor-Avtomobilchi” darvozasini nishonga oldi.
* Aksincha turning eng so'nggi goli – 86-daqiqada kiritilgan. Ushbu turda 4ta gol kiritgan hujumchi Viktor Klishin “Zomin” bilan o'tgan uchrashuvda nafaqat o'yindagi balki mazkur turdagi eng so'nggi golga mualliflik qilgani bilan ham tarix zarvaraqlaridan joy oladigan bo'ldi!

OGOHLANTIRISH VA CHETLATISH
* Mazkur tur uchrashuvlarida hakamlar jami 32ta futbolchini sariq kartochka bilan “siyladi”. Bu har uchrashuvga o'rtacha miqdorda 5,33tadan sariq deganidir! Bundan ko'rinib turibdiki, “g'arb” mintaqasidagi o'yinlar keskin kurashlarga boy tarzda kechgan.
* Umumiy sariq kartochkalarning 15tasi mezbon jamoa o'yinchilariga ko'rsatilgan.
* Mehmon jamoa vakillaridan esa 17tasi ogohlantirilgan.
* Birinchi bo'limdagi sariq kartochkalarning soni 16tani tashkil etdi!
* Etiborisi ikkinchi taymdagi ogohlantirishlar soni ham 16ta bo'lgan!
* Turning eng qo'pol o'yini Samarqandda kechib,  “Registon” – “Guliston” bahsida bosh hakam cho'ntagidan 10 marotaba sariq kartochka va 1 marta qizil kartochka chiqarishga qaror qilgan!
* Turning eng tartibsiz jamoasi ham aynan “Guliston” bo'lgan. 6ta sariq va 1ta qizil kartochka!
* Etiborlisi ushbu turda hamma jamoa vakillari bir martadan bo'lsa ham sariq kartochka olgan. Boshqacha aytganda, turni ogohlantirishlarsiz o'tkazgan jamoa uchramadi.
* Qizil kartochkalar haqida aytadigan bo'lsak, 8-turda hammasi bo'lib 3ta qizil kartochka kuzatildi.
* SHundan 1tasi mezbon jamoa hisobiga yozilgan bo'lsa, qolgan yana 2ta qizil kartochkani mehmon jamoa futbolchilari olgan!
* Zuhridin Kamolov (“Alanga”), Fayoz Ergashev (“G'ijduvon”) hamda Dilshod Yo'ldoshev navbatdagi turda diskvalifikaciya tufayli jamoalariga yordam bera olmaydi.

MUXLISLAR
“G'arb” mintaqasining 8-turiga umumiy muxlislar soni 9737tani tashkil etdi. Har uchrashuvga o'rtacha 1622tadan tomoshabin demakdir!
* Ushbu turda eng ko'p ishqiboz “Xorazm” – “Alanga” (3:1) bahsiga tashrif buyurdi. 4831ta muxlis!
* Aksincha eng kam tomoshabin kirgan o'yin “G'ijduvon” – “SHerdor” bahsi bo'ldi. 341ta ishqiboz!
Tomoshabinlar tashrifi kimda qanday?
Registon – Guliston – 2:0. 415 tomoshabin.
SHo'rtan – Zomin – 5:0. 1221 tomoshabin.
Mashal-2 – G'allakor-Avtomobilchi – 1:0. 512 tomoshabin.
G'ijduvon – SHerdor – 0:1. 341 tomoshabin.
Orol – Spartak – 3:0. 2417 tomoshabin.
Xorazm – Alanga – 3:1. 4831 tomoshabin.

8-TURDAN KEYINGI VAZIYAT

1	SHO'RTAN (G'uzor)	8	7	1	0	26-3	22
2	XORAZM (Urganch)	8	6	1	1	16-8	19
3	OROL (Nukus)	8	5	1	2	15-7	16
4	ZOMIN (Zomin)	8	4	1	3	9-8	13
5	SHERDOR (Samarqand)	8	3	2	3	8-10	11
6	G'ALLAKOR-AVTOMBILCHI (G'allaorol)	8	3	1	4	8-8	10
7	MASH'AL-2 (Muborak)	8	3	1	4	4-10	10
8	ALANGA (Koson)	8	2	3	3	8-10	9
9	GULISTON (Guliston)	8	2	2	4	8-14	8
10	REGISTON (Samarqand)	8	2	1	5	6-15	7
11	SPARTAK (Buxoro)	8	2	0	6	8-18	6
12	G'IJDUVON (G'ijduvon)	8	1	2	5	6-12	5

To'purarlar:
Viktor Klishin (SHo'rtan) – 9ta.
Navro'zbek Haipov (Orol) – 6ta.
Nizom Norov (Xorazm) – 5ta.  
Soli Xayrullaev (G'allakor-Avtomobilchi) – 5.

9-TURDA UCHRASHADILAR
14 may (chorshanba)
“Zomin” – “Orol”
“Guliston” – “Xorazm”
“SHerdor” – “Registon”
“G'allakor-Avtomobilchi” – “SHo'rtan”
16 may (juma)
“Alanga” – “Mashal-2”
“Spartak” – “G'ijduvon”

Islombek Rustambekov tayyorladi.