"Beyjing Goan"ni ispaniyalik murabbiy boshqaradi FOTO

Aslida 2016 yil 23 noyabr sanasida bosh murabbiy sifatida elon qilingan ispaniyalik Xose Manuel Gonsales kecha Pekinga uchib keldi.

O'tgan mavsum klubda italiyalik mashhur Alberto Zakkeroni bosh murabbiy bo'lib ishlagandi. May oyida Zakkeroni istefoga chiqarilgach xitoylik Ce Feng vaqtincha murabbiy lavozimida ishlagandi.

O'zbekistonlik himoyachi Egor Krimec o'ynayotgan klubni yangi mavsumga Xose Manuel Gonsales tayyorlaydi. 1966 yilda tug'ilgan murabbiy futbolchilik faoliyatida "Kadis", "Malorka", "Albasete", "Rayo Valekano", "Malaga" va Xitoyning "Tianjin Samsung" klublarida o'ynagan.

2001 yildan buyon murabbiy sifatida faoliyat olib bormoqda. Hozirga qadar "Kadis", "Albasete", "Kordoba", "Mursiya" va "Granada" klublarini boshqargan. 2014-2016 yillarda aynan "Beyjing Goan" bosh murabbiyi Gregorio Mansanoga yordamchilik qilgan.