Benzema: "Ronaldo bilan meni taqqoslaganda u Formula-1 bo'lsa, men karting"
30 mar 2020 22:53
Yangiliklar

Benzema: "Ronaldo bilan meni taqqoslaganda u Formula-1 bo'lsa, men karting"

Madridning “Real” klubi forvardi “CHelsi” hujumchisi, vatandoshi Olive Jiru haqida gapirdi.

Ilgariroq Benzema Jiru haqidagi savollarga javob bera turib, “Formula-1 bilan kartingni adashtirmang” deya javob qaytargandi.

“Men shunchaki haqiqatni aytgandim. Ammo hamma boshqa bir jihatni – uning terma jamoa safidagi foydali harakatlarini unutmaslik kerak. Ha,” men Formula-1, u karting” deb aytganman. Ammo bu haqiqat. Bu men o'ylagan narsa. Agar meni braziliyalik Ronaldo bilan taqqoslasak, unda u Formula-1, men esa kartingdagi haydovchiman. Bor gap shu”, deya Benzemaning so'zlaridan iqtibos keltirmoqda AS nashri.

2015 yildan buyon Benzema jamoadoshi Matyo Valbueena bilan bog'liq mojarolarga aralashib qolgani uchun terma jamoaga jalb etilmaydi. Olive Jiru esa o'z navbatida 2018 yilgi JCHda terma jamoasi bilan chempionlikni qo'lga kiritgan.

Havola :

Manba : AS

Yangiliklarni Telegramda o'qing!

Reyting: +7