Asror Aliqulov: "O'yinning so'nggi daqiqalarigacha asabiy holatda bo'ldik"

O'yin haqida

- Birinchi navbatda biz anchadan buyon g'alaba qozona olmay kelayotgandik. Bugun biz uchun g'alaba zarur edi. Dastlabki daqiqalardanoq o'yin tizginini nazoratga olishga urindik. Birinchi bo'lim oxirlariga kelib o'yinimiz sustlashdi va mehmonlarda ham imkoniyatlar yuzaga kela boshladi. Ikkinchi bo'limda yo'l qo'yilgan xatolardan xulosa chiqarib harakat qildik. Ammo 11 metrlik jarima zarbasini golga aylantira olmadik. Butun murabbiylar shtabi va jamoa azolarini va muxlislarni asabiy xolatda ushlab turdik deb aytsam to'g'ri bo'ladi.

- Jamoa vaziyatlarni ko'p yaratdi, ammo ularning barchasidan ham foydalana olmadi. Buning sababini qanday izoxlaysiz?

- Yil boshida Muhriddin Zoirov endigina professional futbolga kirib kelganida sizlar uning harakatlaridan qoniqmasdan ko'p savol berardinglar. U bilan ko'p ishladik, gollar ura boshladi. Biroq orada o'z imkoniyatlari doirasida o'ynay olmay qoldi. Hozir avvalgi xolatiga qayta olmayapti. O'ziga bog'liq, yaxshi harakat qilishi kerak. Balki yulduzlik kasalligiga uchradi desak to'g'ri bo'lar. Hujumkor futbolchi bilan o'ynasak, markaz ochilib qolishi mumkin. "G'ijduvon" to'pni yaxshi nazorat qila oladi, shu sababdan biz o'yinga shu uslubni tanladik.