So’nggi yangiliklar

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  3 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  41 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

PFL texnikasi vodiyning 4 ta shahrida sinovdan muvaffaqiyatli o'tdi Yangiliklar

PFL texnikasi vodiyning 4 ta shahrida sinovdan muvaffaqiyatli o'tdi

Endilikda Liga 6 ta professional kamerani o'z ichiga olgan ko'chma televizion stanciyaga ega.

"Shulardan 3 tasi Super slow motion kamera bo'lib, ular sifatli sekinlashtirilgan kadrlarni yozib olish imkoniyatini taqdim etadi. 

Xarid qilingan texnika Sprinter ichiga maxsus jihozlangan. Lozim holatda u uch barobar ko'proq kameralar bilan ishlay olish imkoniyatiga ega. Ayni vaqtda KTS ichiga qo'shimcha 2 ta kamera jalb qilingan bo'lib, u umumiy hisobda 8 ta kamera bilan faoliyat olib bormoqda. 

Mazkur KTS Superliga va O'zbekiston Kubogi bellashuvlarini nafaqat sifatli teletranslyaciya qilish imkoniyatini beradi, balki VAR takrorlari uchun muhim ahamiyat kasb etadi. Futbol uchrashuvlari davomida yuzaga kelishi mumkin bo'lgan ehtimoliy holatlar rejissyor hamda tasvirchilar mahoratidan kelib chiqib, VAR uchun yuqori sifatli videotakrorlarni taqdim etishi mumkin.  

Liga “Sport ijodiy uyushmasi” bilan kelishgan holda o'z texnikasini vodiydagi futbol uchrashuvlariga jalb qilishga qaror qildi. Avvalroq KTS 27 may kuni Toshkentda bo'lib o'tgan Superkubok o'yinida sinov tariqasida ishlagan bo'lsa, keyinchalik ayollar o'rtasidagi Osiyo kubogining saralash uchrashuvlarida ishladi. Shundan so'ng Liga uni vodiydagi bellashuvlarga jalb qildi. Hozirgacha KTS Superliganing 17-18-turlaridan joy olgan 4 ta qarama-qarshilik: Namangan, Qo'qon, Farg'ona hamda Andijonda bo'lib o'tgan o'yinlarda muvaffaqiyatli faoliyat olib bordi. Ularning barchasida 8 ta kameradan foydalanildi va mazkur holat Superliga o'yinlarining sifatli teletranslyaciya qilinishini taminladi, shuningdek, VAR bilan bog'liq takroriy lavhalarda aniqlik nisbatan oshdi. 

Avvalroq Liga o'z ofisida alohida studiya tashkil qilgandi. Mazkur studiyadan hozirga qadar MOQ, O'FA, O'FF kabi hamkor tashkilotlar ham foydalanib ulgurdi. Shuningdek, Liga bayrog'i ostidagi musobaqalarda ishtirok etadigan klublar azolari bilan fotosessiyalar shu studiyada tashkil etib kelinmoqda. Endilikda biz o'zimizning ilk ko'chma televizion stanciyamizga ega bo'ldik. Kelgusida bu yo'nalishdagi ishlar davom ettiriladi va Liga teletranslyaciyalar masalasini yangi bosqichga olib chiqish yo'lidagi izlanishlarini davom ettiradi", – deyiladi xabarda.

Reyting: +6   

Fikrlar

+1   
15 avg 14:51:32
CHAQMOQ
Офарин ПФЛ !!!
championat.asia
< so’nggi yangiliklarni ko’rish
Яндекс.Метрика