Arxiv. Yuzerlar diqqatiga! Endi keskin chora ko'riladi

ARXIVDAN (16.05.2014)

Saytning eski, faol va yoshi katta yuzerlari kun sayin fikr bildirmay ketyaptilar. Boisi, kechagina nonni "nanna" deb yurgan bolalardan o'zlari tomon haqoratli gap eshitishni ular hazm qila olmayaptilar. Saytning madaniyatsizlar uchun "koshona" bo'lib xizmat qilishiga aslo yo'l qo'ymaymiz.

O'z navbatida buni sayt ijodkorlariga ham katta hurmatsizlik deb bilamiz. SHunday kishilar borki, maqoladan ko'ra fikrlarni ko'proq o'qishadi. Kattalarning dunyoqarashidan yoshlar o'rnak olish o'rniga, aql o'rgatadi. Xoy, sen ham inson farzandisan. Biron bir haqoratli gap yozishdan avval senga tarbiya bergan ota-onang, bobo-momongni yuzi haqida o'yla. Ularga lanat keltiradigan farzandga bizning saytda joy yo'q. Saytda o'quvchini blok qilish bilan biz hech nima yutqazmaymiz. Na reklamadan, na saviyadan. Fikr bildiruvchilar saytni BIR FOIZIni ham tashkil etmaydi. Komment qoldira olmasam bu saytga kirib nima qilaman shiori ostidagi "ijodkorlar"ni yo'qotish biz uchun fojea emas.

Biz barchamiz ahil bo'lishimiz kerak. Yoshlarni so'kinishidan yuragi bezillab qolgan faxriy yuzerlarimizni qaytargan holda ularning hurmatini joyiga qo'yaylik.


Avvallari blok qilishdan avval kim birinchi urush boshlaganiga oydinlik kiritardik. Endi esa unga javob bergan kishidan ham qutulamiz.

Agar bu ishimiz o'z samarasini bermasa, fikr qoldirish bo'limini o'chirib qo'yishimiz ham mumkin. CHunki saytimizning asosiy maqsadi fikrni ko'paytirib undan daromad qilish emas, chin manoda o'zbek futboli jurnalistikasini rivojlantirish.

Quyidagi qoidalarga amal qilmagan o'quvchilarni bloklashga majburmiz:

- Birovning hurmatini joyiga qo'ymaganlar
- So'kinganlar
- Qizishib, jamoasi yutqazayotgan bo'lsa ham, chidab tura olmay saytdoshini haqorat qilgan
- So'kib qo'yib ketidan bezrayib UZR so'ragan
- O'zi ishqibozlik qiladigan jamoa turib, boshqa jamoa o'rtasidagi o'yinga kirib, shundoq ham asabi buzilgan muxlislar oldida boshqa jamoani chempion deb urishga sabab bo'lgan.
- Futbolga daxldor bo'lmagan mavzularda fikr yuritganlar
- Stadionda bo'lmasdan turib, o'yinni ko'rmay hakam va raqib jamoani haqorat qilish bilan ovora "komentchilar"

Tahririyat