"Arsenal" va MYU skautlarini "Betis" futbolchisini kuzatish uchun yubordi

Braziliyalik yosh forvard "Betis"da porlaganidan keyin APLning "Manchester Yunayted" va "Arsenal" klublari skautlari uchun bosh maqsadga aylandi. 22 yoshli futbolchi Ispaniyada keyingi haftalarda "Atletik" va "Barselona"ga qarshi o'yinlarda o'zini ko'rsatdi, "Rayo Valekano" bilan bahsda g'alaba golini urdi va jamoasining turnir jadvalida oltinchi pog'onada bo'lishiga yordamlashdi. 

Ispaniyaning "Al Final de la Palmera" nashrining malum qilishicha, Enrike "qizil iblislar" va "to'pchilar" o'rtasida savdo urishiga sabab bo'lishi mumkin. Biroq ushbu kelishuvning yanvar oyida amalga oshishi dargumon. Janubiy amerikalik hujumchi Evropaning yuqori ligalaridan birida ko'rinish berganidan so'ng bir necha bor ingliz skautlarni o'ziga jalb qilgan.

"Betis" Luis Enrikeni mahalliy "Fluminense"dan atigi 7,1 mln funtga sotib oldi va futbolchi Evropaga ko'chib o'tdi. Ispan klubi uning ortidan katta foyda ko'rishi mumkin. 

Braziliyaning 20 yoshgacha bo'lgan terma jamoasi futbolchisi shu paytgacha 22 ta o'yinda maydonga tushib, 3 ta gol va 5 ta golli uzatmani hisobiga yozdirdi. Ana shu assistlarning ikkitasi yanvar oyi boshida "Barselona" bilan o'yinda qayd etildi. O'sha o'yinda garchi jamoasi yakunda mag'lub bo'lgan bo'lsa-da, Luis Enrike maydondagi eng yaxshi o'yinchilardan biri bo'ldi va uning 101-daqiqadagi golli uzatmasi hisobni tenglashtirishga xizmat qildi. 

Yosh hujumchining "Benito Vilyamarin" egalari bilan amaldagi shartnomasi 2028 yilga qadar mo'ljallangan. U hozirgi klubini kutilganidan ancha erta tark etishi mumkin, chunki "Arsenal" transfer bozoriga forvard izlab kirgan. "To'pchilar" ukrainalik Mixail Mudrikni "CHelsi"ga boy berdi. Ular anchadan buyon taqib qilayotgan Rafinya ham "Barselona"da qolishni afzal ko'rayotgan ko'rinadi.