Anton Valdemar Bundesligada ikkinchi golni urdi
05 mar 2018 19:54
Yangiliklar

Anton Valdemar Bundesligada ikkinchi golni urdi

Fevral oyi Anton Valdemar uchun ancha qizg'in o'tgan.

Uning klubi "Gannover" 4ta o'yin o'tkazdi va "Frayburg" bilan o'yinda g'alaba qozondi. Aynan o'sha o'yinda Valdemar mavsumdagi birinchi va Bundesligadagi ikkinchi golini urdi. O'zining ilk golini 2016 yilda u "Borussiya M" bilan bahsda urgandi va o'sha uchrashuvda eng yaxshi futbolchi bo'lgandi.

Hannover 96

Waldemar Anton - 28', Felix Klaus - 54'

1. Bundesliga . 22-tur

10/02/2018, 19:30

Tugadi

Freiburg

Manuel Gulde - 88'

Stadion: HDI-Arena, 37800 tomoshabin

Bosh hakam: Manuel Graefe

45'

90'

Match-senterda ochish

O'sha yil "Gannover" Bundesligani tark etgandi, shu bois Valdemar o'tgan mavsum Germaniya chempionatida gol urish imkoniyatiga ega bo'lmadi.

Valdemar taxminan 2 yildan so'ng yana Bundesligada to'p kiritdi. "Frayburg" bilan bahsning 26-daqiqasida gol urishga erishdi. "Gol urishimni sezgandim. Buni ancha kutdim, imkoniyatlar bo'lgandi va to'p kiritganimdan xursandman" - deydi u o'yindan so'ng.

Qizig'i Valdemar bu bahsda ham o'z poziciyasini o'zgartirib tayanch yarim himoyasidagi Pirmin SHveglerning o'rnida harakat qildi.

"Bu joyda o'ynagan futbolchida gol urish imkoniyati ko'proq bo'ladi, faqat undan foydalanish kerak" - deydi Anton.

"Biz uni bu joyda o'ynay olishini bilardik. Bazida tayanch yarim himoyachisi sifatida ham harakat qilardi. Endi u gol ham urmoqda, raqiblar uchun xavfli futbolchiga aylanmoqda. Bu meni xursand qilmoqda. Valdi tezkor futbolchi. Ajoyib rivojlanish" - deydi "Gannover" menedjeri Xorst Xeldt.

"Keln"ga qarshi bahsni esa kasalligi tufayli o'tkazib yubordi. Qizig'i, bu mavsumda Anton faqat ikkita bahsda o'ynay olmadi va ikkala holda ham raqib "Keln" bo'lgandi. Valdemar uzoq davolanmadi va keyingi turda safga qaytdi.

Germaniya matbuoti xabariga ko'ra, Valdemarning transfer narxi 2 mavsumda 100 ming evrodan 6,5 million evroga etdi!

Vladislav Goyxman

Havola :

Manba : championat.asia

Yangiliklarni Telegramda o'qing!

Reyting: +8