Angliya premer-ligasi boshlanishiga bir hafta qoldi

Mavsumning dastlabki uchrashuvi 9 avgust kuni tunda "Enfild" stadionida bo'lib o'tadi. Unda "Liverpul" APLga qaytgan "Norvich"ni qabul qiladi.

Amaldagi Angliya chempioni "Manchester Siti" mavsumni Londonda "Vest Xem"ga qarshi bahs bilan boshlaydi.

Maurisio Pochettino boshchiligidagi "Tottenxem" o'z maydonida bir necha yillik tanaffusdan so'ng APLga qaytgan "Aston Villa" bilan kuch sinashadi.

Yozgi transfer oynasi vaqtida bir qator yangi futbolchilarni sotib olgan "Arsenal" esa Rafael Benitesni qo'yib yuborgan "Nyukasl" mehmoni bo'ladi.

Dastlabki turning markaziy uchrashuvi "Old Trafford"da bo'lib o'tadi. Unda "Manchester Yunayted" Londonning "CHelsi" klubini qabul qiladi.

Demak, dunyoning eng tomoshabop ligasi start olishiga 7 kun qoldi xolos.

Angliya premer-ligasi
1-tur juftliklari
9 avgust
23:55 - "Liverpul" - "Norvich"

10 avgust
16:30 - "Vest Xem" - "Manchester Siti"
19:00 - "Bernli" - "Sautgempton"
19:00 - "Kristal Pelas" - "Everton"
19:00 - "Bornmut" - "SHeffild Yunayted"
19:00 - "Uotford" - "Brayton"
21:30 - "Tottenxem" - "Aston Villa"

11 avgust
18:00 - "Lester" - "Vulverxempton"
18:00 - "Nyukasl" - "Arsenal"
20:30 - "Manchester Yunayted" - "CHelsi"