Andrey SHipilov: "Mavsum oxirigacha shifokorimiz bosh murabbiydan ham muhimroq shaxsga aylandi. Bugungi g'alabamizni unga ataymiz"

"Ikkinchi restartni yomon boshladik. Oldingi ikki turda "hayotimiz shirin" bo'lgani yo'q. Bugun esa ikkala taymda yaxshi o'ynaganimiz ko'rindi. Yigitlar harakat qilishdi. Natija qanday bo'lishidan qatiy nazar bugun shogirdlarimning o'yinidan qoniqdim.

Ravshan Haydarovning imzosi ko'rinib turibdi. Qisqa vaqt ichida uning falsafasi jamoaga singdirilgan. Bu kishiga qarshi kurash olib borish yoqimli bo'ldi. Hisob tenglashganida yana gol ura olishimizga ishondim. Bugun mag'lub bo'lganimizda adolatdan bo'lmasdi, sababi biz to'pga egalik qildik va tashabbusga ega edik.

G'alaba qozondik va noxush seriyamiz yakunlanganidan xursandman. Ketma-ket uchta o'yinda ochko olomaslik yomon bo'lardi. Oldimizda hali qiladigan ishlar ko'p. Keyingi turdagi raqibimiz "Mashal" juda ham "jonli" jamoa. Keyingi o'yinlarga bor masuliyat bilan tayyorgarlik ko'ramiz.

Balki bugun chiroyli futbol bo'lmagandir, ammo natija qo'lga kiritildi. Bazida shunday ham qilish kerak. Futbol o'ynashga harakat qilayapmiz.

Har bir mashg'ulot va har bir o'yinda isbotlash kerakligini aytaman. Davron Anvarov o'yindan-o'yinga o'z o'yinini kuchaytirmoqda. Oldingi o'yinlarda bir taymdan o'ynayotgandik, professional futbolchilar esa ikki taym o'ynashi kerak.

Bugun CHumak va Otaxonovning tug'ilgan kuni edi. Ularga g'alabani sovg'a qilmoqchi edik. Birinchi navbatda esa bugungi g'alabamiz jamoa shifokoriga ataldi. Sababi u so'nggi haftalarda juda katta hajmdagi ishni bajardi. Aytish mumkin bo'lsa mavsum oxirigacha shifokorimiz bosh murabbiydan ham muhimroq shaxsga aylandi. Unga katta rahmat aytmoqchiman", - deydi Andrey SHipilov.