Andrey Polxovskiy: "Bugun turli kuchga ega bo'lgan ikki jamoa to'qnash keldi"

“Aytadigan gapning o'zi yo'q. Barchasini tablodagi hisob ko'rsatib turibdi. Bugun turli kuchga ega bo'lgan ikki jamoa to'qnash keldi. Bugun ko'rsatmalarimizni 5 foizga ham bajarishgani yo'q. Eronni g'alaba bilan tabriklayman. Juda kuchli jamoa”, - deydi Polxovskiy.

- Eronga qarshi ilk daqiqalardan boshlab 5 nafar futzalchi bilan o'ynash mumkinmi?
- Albatta mumkin. Biroq buning uchun ham mahorat kerak. Biroq qoidaga ko'ra bu mumkin va buni amalda qo'llab turish mumkin.

- Jamoaning kuchli beshlikka kirish imkoniyatlarini qanday baholaysiz?
- Imkoniyatni muxlislar va jurnalistlar berishgani to'g'riroq bo'lardi. Biz qo'limizdan kelganicha yo'llanma uchun kurashamiz. Eron va Yaponiya qolganlarga qaraganda kuchli. Qolgan jamoalar saviyasi esa teng.

- Qirg'iziston hisobda ortda qolishiga qaramay ikkinchi bo'limda besh nafar futzalchi bilan o'ynamadi nimaga?
- Boshqa o'yinchilarga imkoniyat berishga harakat qildim. Undan tashqari o'ynovchi darvozabon bilan o'ynash doim tavakkal. SHu bois bundan faqat ozgina foydalandik xolos.

Narzulla Saydullaev