Andijonning legioneri: Golni bizni ziga zaga, olg'a Andijon, deb qo'llab-quvvatlagan muxlislarimizga bag'ishlayman

Uchrashuvda zaxiradan maydonga tushirilgan tojikistonlik hujumchi SHaxrom Samiev ikkinchi golga mualliflik qildi va chempionatimizdagi gollari hisobini ochdi. Futbolchi «Andijon» matbuot xizmatiga o'z fikrlarini aytib o'tdi.

- SHaxrom, «Lokomotiv»ga qarshi bahs to'g'risida nima deya olasiz?

- O'yin yaxshi va emociyalarga boy tarzda o'tdi. Jamoadoshlarimga rahmat, oxirigacha hisobni ushlab turishdi va muxlislarga katta rahmat. Ular eng zo'ri!

- «Andijon» safidagi birinchi golingizni urdingiz. Hissiyotlar qanday?

- G'alabadan juda mamnunman. Jamoaning yutuqlariga o'z hissamni qo'shganimdan xursandman va bizda ahil bir oila mujassam.

- Zaxiradan maydonga tushib o'yinni kuchaytirishda hissa qo'shyapsiz va gol uryapsiz. Sizni «yashirin qurol» deb atasak bo'ladimi?

- Nima desam ekan, men doim jamoaga yordam berishga tayyorman. Asosiy tarkibdami yo zaxiradanmi, farqi yo'q. Yashirin qurol haqida hech narsa deya olmayman (kuladi).

- Golingizni kimga bag'ishladingiz?

- Golni bizni «ziga zaga», «olg'a «Andijon», deb qo'llab-quvvatlagan muxlislarimizga bag'ishlayman.