“Andijon” yig'iniga yangi futbolchilar qo'shildi
27 jan 2019 20:11
Yangiliklar
![](https://championat.asia/upload/storage/474380_original.jpg)
![](/upload/storage/474380_220.jpg)
“Andijon” yig'iniga yangi futbolchilar qo'shildi
Ertalabki mashg'ulotlar “NBU-Osiyo” stadionida jismoniy tayyorgarlik bo'yicha o'tkazilayotgan bo'lsa, kechki mashg'ulotlar “Turin” stadionida asosan texnik-taktik jihatlar ustida olib borilmoqda.
Avval xabar berganimizdek, bundan bir necha kun avval “burgutlar” yig'iniga tajribali futbolchi Qahramon Bahodirov bilan iqtidorli yarim himoyachi Alisher Mirzaev kelib qo'shilgandi. Ulardan keyin “Buxoro” jamoasidan Bobur Omonov ham “Andijon”ning yig'iniga qo'shildi. 29 yoshli himoyachi hozirda jamoa mashg'ulotlarida ishtirok etib, o'zidan iliq taassurot qoldirishga xarakat qilmoqda.
Undan tashqari bugun qirg'izistonlik Mirolimjon Ahmedov ham andijonliklarning lagerida paydo bo'lganini aytish mumkin.
Yuqorida nomlari keltirib o'tilgan futbolchilarni murabbiylar shtabi Toshkent yig'ini chog'ida o'tkaziladigan sinov-nazorat o'yinlarida ko'zdan kechiradi.
Malumot uchun “Andijon” jamoasi 30 yanvar kuni “Bunyodkor”, 3 fevral kuni esa “Qizilqum” bilan o'rtoqlik uchrashuvida maydonga tushadi.
Darvoqe, malum muddat jamoa ko'rigida bo'lgan moldaviyalik Ilie Damaschan, Vadim Kalugxer va ukrainalik Andrey Pashenko singari legionerlarga javob berib yuborildi.
Hozirda tarkibni kuchaytirish mumkin bo'lgan bir qator futbolchilar bilan muzokara davom etayotganini aytish lozim.
“Andijon” matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar