Alisher SHog'ulomov: “Stadionda ajoyib muhit yaratib bergan ishqibozlarimizga rahmat aytaman”

Iqtidorli futbolchi birinchi bo'limda mazmunli xarakatlari bilan muxlislarda ham iliq taassurot qoldirdi. O'yin nihoyasiga etgach, SHog'ulomov bilan klub qarorgohida suhbatlashar ekanmiz, u so'zini eng avvalo mahalliy ishqibozlar xususida boshladi.  

- (Xursand bo'lib) Qarang, ajoyib muhit, shubhasiz! Ashaddiy ishqibozlarimiz g'alabadan quvonganidan xatto klub qarorgohiga ham kelib, bayram qilmoqda. Ular bu kabi g'alabalarni sog'inib qolishgan. Yaratganga shukur, bugun muxlislarimiz oldida yuzimiz yorug' bo'ldi. Derbi o'yinlarida ishtirok etish o'zgacha zavq bag'ishlar ekan. Oldin ishtirok etmagandim to'g'risi. Stadionda ishqibozlar ajoyib muhitni yaratib berdi. Go'yoki evropadagi o'yinlardagidek. Butun o'yin davomida tinimsiz qo'llab-quvvatlashdi. Aynan ularning daldasi hisobiga muvaffaqiyat qozondik. Buning uchun ishqibozlarga rahmat. Ochig'i, ijobiy manoda hayratlandim.  

- O'yinga keladigan bo'lsak, albatta g'alabaga osonlikcha erishmadik. O'yinga jiddiy tayyorgarlik ko'rgandik. Ketma-ket uchta mag'lubiyatdan so'ng bugun faqat yutishimiz shart edi. SHuning uchun hamma futbolchilar birgalikda astoydil xarakat qildik.

- Yigitlarning yuqori ishtiyoqi va murabbiylar shtabining to'g'ri taktika tanlangani evaziga bugun g'olib chiqdik.

- Bugun maydonga tushayotib, gol urishni astoydil niyat qilgandim. CHemionatdagi gollarim hisobini ochib oldim. Nasib qilsa kelgusida ham o'z gollarim bilan jamoamga foyda keltirishga xarakat qilaman - deydi Alisher SHog'ulomov.

"Andijon" matbuot xizmati.