Abduqodir Husanovning Angliyadagi murabbiyi Manchester universitetining faxriy doktorlik unvoniga sazovor bo'ldi

"Manchester Siti" bosh murabbiyi shahar rivojiga qo'shgan ulkan hissasi va futboldan tashqari faoliyati, xususan, Guardiola Sala oilaviy jamg'armasi ishi uchun Manchester universitetining faxriy doktorlik unvoniga sazovor bo'ldi.

"Manchester men uchun katta ahamiyatga ega. Men bu erda to'qqiz yilni o'tkazdim, bu er uyimga aylandi. Odamlar, madaniyat, mening ajoyib futbol klubim, hamkasblarim – bularning barchasi men va oilam uchun juda muhim.

2016 yilda bu erga kelganimda qancha vaqt qolishimni bilmasdim. Bu shahar meni qabul qilgani tufayli hamma narsa osonlashdi.

Men Manchester universiteti shahrimiz uchun qanchalik muhimligini bilaman. Bu erda ko'plab tadqiqotlar olib boriladi, unda kashfiyotlar tarixi bor. Ushbu hurmatli talim muassasasidan bunday sharafga sazovor bo'lish – ajoyib tuyg'u.

Ushbu lahza uchun Manchester universitetiga rahmat aytmoqchiman va "Manchester Siti"ga doimiy qo'llab-quvvatlovi uchun minnatdorchilik bildirmoqchiman", – dedi "Manchester Siti" bosh murabbiyi.

Manchester universiteti (1824 yilda tashkil etilgan) – "qizil g'ishtli universitetlar" deb ataladigan eng muhim Britaniya universitetlaridan biri (shuningdek: Birmingem universiteti, Bristol universiteti, Liverpul universiteti, Lids universiteti, Sheffild universiteti).