A. Azizxo'jaev xotira turnirda “Lokomotiv” bolalari bronza medallari sohibi bo'ldi

Ushbu muksobaqada “Lokomotiv” futbol maktabining 2006 yilda tug'ilgan bolalari ham ishtiroq etib, yaxshi natijalar qayd etganini takidlash lozim.

Avvaliga yosh futbolchilarimiz Toshkentning “Spartak” jamoasiga qarshi maydonga tushib, kichik – 0:1 hisobida imkoniyatni boy berib qo'yishdi. Aytish kerakki, “Spartak” keyingi o'yinlarda boshqa raqiblarini ham engib, yakunda turnir g'olibiga aylandi. Ikkinchi uchrashuvda jamoamiz “Bunyodkor” bilan 3:3 hisobida durang o'ynadi. Keyin “Paxtakor 2” jamoasini 3:1 hisobida mag'lub etdi. Uchinchi o'rin uchun kechgan baxsda “Paxtakor” ustidan 2:1 hisobidan g'alaba qozongan “Lokomotiv” bolalari musobaqaning bronza medallari sohibiga aylanishdi.

Ushbu jamoani musobaqaga “Lokomotiv” futbol maktabida murabbiy sifatida ish olib boradigan Sunnat Ro'ziev tayyorladi.

Klubda bolalar va usmirlar futbol maktabi mudiri lavrzimida ish olib borayotgan Erkin Saidov va “Lokomotiv” professional futbol klubi sport direktori Ravshan Muqimovlarniing bolalar va o'smirlar futboli rivoji yo'lida qilayotgan mehnatlarini alohida takidlash o'rinli. 2006 yilda tug'ilgan bolalarning ushbu yutug'ini klubning bolalar futboliga qaratayotgan etiborining samarasi sifatida etirof etsa bo'ladi.