So’nggi yangiliklar

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  7 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

"8+3". O'zbekiston MTJni boshqargan eng kuchli murabbiy - Bob Xougton (17-son) Yangiliklar

"8+3". O'zbekiston MTJni boshqargan eng kuchli murabbiy - Bob Xougton (17-son)

Championat.asia'da "8+3" rukni davom etadi.

Bu gal Toshkentning "Bunyodkor" klubi matbuot xizmati rahbari, jurnalist Furqatbek Nishonov bilan suhbatlashdik. U kishiga futbolga oid 8, futboldan tashqari 3ta savol bilan murojaat qildik. 

- Siz o'yinlarini bevosita kuzatgan eng kuchli futbolchi kim?

- Lionel Messi. Agar boshqalarni ham qo'shish imkoniyati bo'lsa, "so'yloq" Ronaldo tarixdagi eng sof hujumchi. Zidan ajoyib yarim himoyachi. 

- Siz ko'rgan eng chiroyli gol qaysi?

- Qaysidir golni ajratib o'ta olmasam kerak. Sababi, yillar davomida chiroyli gollar ko'p bo'ladi. Bir vaqtlar Ronaldinoni jarima maydoni chizig'i ustidan "CHelsi"ga urgan golini ko'rib mazza qilganman. Ibrohimovichni adashmasam milliy terma jamoada akrobatik uslubda uzoq masofadan urgan goli. Qisqasi, chiroyli gollar ko'p.

- Futbol olamida boshqalardan mutlaq ajralib turadigan shaxs kim? 

- Zlatan Ibrohimovich. Xarakteri qanday ekanligini intervyulari orqali bilish mumkin. So'zlariga mos o'yinini shu yoshida ham kuchli beshlikda gollar urayotgani bilan isbotlamoqda. Kimdir faqat maqtanadi, amalda hech narsa yo'q, Zlatanda unisi ham bunisi ham bor.

- O'zbekiston terma jamoasini boshqargan eng kuchli murabbiy kim?

- Bilmadim. Lekin, Bob Xougton murabbiyligidagi O'zbekiston milliy terma jamoasini aytishim mumkin. Uning davrida  Quvaytni “Paxtakor” stadionida irodali tarzda mag'lub etgan o'yini xotiramda juda yaxshi qolgan.

- O'zbek futbolidagi eng omadsiz shaxs kim?

- Omadsiz shaxs emas, omadsiz futbolchilar deylik. Xususan, o'smirlar yoshlar terma jamoalari bilan osiyo va jahon chempionatiga chiqqan, lekin katta futbolga o'tib keta olmagan erta so'nggan yulduzchalarimiz. 

Aytgancha, shu erda bir qo'shimcha, omadsizlar qatoriga oldinga Oliy Ligada, hozirgi Superligada muntazam qatnashishni xohlab, astoydil harakat qilsada, quyiga ravona bo'lgan yoki umuman yopilib ketgan xususiy klublar – “Obod”, “Turon”, “Andijon”ni, aniqrog'i, ularni boshqarib, rostkamiga mehnat qilgan insonlar omadsiz bo'lsa kerak. CHunki, chin dildan harakat qilishyapti, katta pullar sarflashyapti, tarkibga yaxshi o'yinchilarni jalb qilishyapti, ammo Superligada bir yildan ortiq o'ynay olishmayapti. Haqiqiy omadsizlik shu bo'lsa kerak, yana bilmadim.

- Sizningcha, bugun o'zbek futbolining qaysi jihatlari tanqidga loyiq?

- Fikrimcha, birlashmaslik. Kimdir bolalar futboli deydi, kimdir kuchli chempionat deydi, kimdir akademiya deydi, boshqasida yana umuman boshqa muammo. Lekin, so'nggi 2-3 yilda bu holat ancha epaqaga keldi. Aslida bunaqa vaziyatda to'g'ri tizim ishlasa, o'z-o'zidan birlashish paydo bo'ladi. O'zbek futbolini to'liq qamrab oladigan tizim bo'lishi kerak. Bolalar futbolidan tortib, professionallargacha. Hamma muammolarni qamrab oladigan tizim ishlab chiqilsa, o'z-o'zidan hamma birlashadi, hamma o'z ishini qiladi va albatta rivojlanish bo'ladi. 

Bu yil "Bunyodkor" o'rinbosarlari o'z maydonida bir jamoani qabul qildi va mag'lubiyatga uchratdi. O'yindan keyin raqib murabbiyi FIFA kunlari munosabati bilan futbolchilarga deyarli ikki haftalik tanaffus elon qilyapti. "Bunyodkor" ustozi uch kun. Hayron bo'ldim. "Bunyodkor" ustozidan so'radim, raqib qolgan muddat ichida navbatdagi uchrashuvga futbolchilarni tayyorlay oladi, deb so'rasam, iloji yo'q, o'yinchilar ritmdan chiqib ketadi, dedi. SHunda bir fikr keldi, raqib jamoaga o'rinbosarlar tarkibi qiziqmas, yana bilmadim, bu taxmin. O'rinbosarlar asosiy tarkibga o'yinchi tarbiyalab beradigan jamoa, "Bunyodkor"da xuddi shunday. Yuqoridagi vaziyatda qanday qilib o'yinchi etkazib berish mumkin? 

- Siz bevosita stadiondan kuzatgan eng oxirgi o'yin?

- Superliganing so'nggi turidan o'rin olgan "Bunyodkor" – "Paxtakor" bahsi. Qolaversa, Toshkent shahar Bolalar ligasidagi o'yinlarni ham kuzatib boraman. Aniqrog'i, “Bunyodkor” jamoalari ishtirokidagi bahslarni. Xususan, "Bunyodkor-2005" jamoasini Toshkent shahar Kubogidagi yarim final – "Lokomotiv"ga qarshi o'yinini tomosha qildim. Bu bahs 3 dekabr kuni bo'lib o'tdi. "Bunyodkor-2005" finalga chiqqan. 6 dekabr kuni "Jar" o'yingohida bo'ladigan finalni ham tomosha qilsam kerak.

- O'zingiz o'yinlarini kuzatgan futbolchilar orasidan ramziy jamoa tuzib bering.

- SHu savolni ochiq qoldiraman. 

- Hayotdagi kumiringiz kim?

Payg'ambarimiz Muhammad sollallohu alayhi vasallam. 

- O'zingizga yoqmagan tarafingiz qaysilar? Kamchiliklaringiz...

- Qiladigan ishimni ortga surishim eng katta kamchiligim bo'lsa kerak.

- Hayotingizning burilish nuqtasi sifatida qaysi voqeani eslaysiz?

- 2004 yil O'zMUga talabalikka qabul qilinib, shu erdagi kursdoshlarim bilan tanishish, xususan, qiyomatli do'stim Anvarni tanish. Universitetdagi kursdoshlarim va Anvar og'aynimni tanish sababli hayotimda ko'p narsa o'zgargan. Xalqimiz tili bilan aytganda oq va qorani taniganman. Aniqrog'i, halol bilan haromni farqiga boradigan insonga aylanganman.

"8+3". O'zbek futbolidagi eng omadsiz shaxs kim? (16-son)
"8+3". Abror Imomxo'jaev — Messi, Maradona va Mirjalol Qosimov haqida (15-son)
"8+3". "Terma jamoa hech qachon kuchli bo'lmagan, eng yaxshi murabbiy esa Rauf aka..." (14-son)
"8+3". "Men tanqidchi emasman, juda ham injiqman" (13-son)
"8+3". O'zbekiston terma jamoasini hech qachon kuchli murabbiy boshqarmagan (12-son)

Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика