"8+3". "Men tanqidchi emasman, juda ham injiqman" (13-son)

Bu gal Toshkentning "Bunyodkor" klubi etakchilaridan biri Nurillo To'xtasinov bilan suhbatlashdik. Unga futbolga oid 8, futboldan tashqari 3ta savol bilan murojaat qildik. 

1. Siz o'yinlarini bevosita kuzatgan eng kuchli futbolchi kim?

- O'ylashimcha, Krishtianu Ronaldu bo'lsa kerak. 

2. Siz ko'rgan eng chiroyli gol qaysi?

- Lionel Messining Alisson darvozasiga jarima zarbasidan kiritgan to'pini unutib bo'lmaydi.

3. Futbol olamida boshqalardan mutlaq ajralib turadigan shaxs kim? (masalan, xarakter yoki etibori bilan)

- Yana Krishtianuni aytaman. Uning professionalligi havas qilishga arziydi.

4. O'zbekiston terma jamoasini boshqargan eng kuchli murabbiy kim?

- Barcha murabbiylarning o'zigan yarasha ijobiy va salbiy tomonlari bor edi. Aynan bittasini ajratib ko'rsatolmayman.

5. Nechanchi yillardagi terma jamoamiz barcha davrlarning eng kuchlisi edi?

- ...

6. Sizningcha, bugun o'zbek futbolining qaysi jihatlari tanqidga loyiq?

- Har sohada kamchiliklar etarlicha. Lekin tanqid qilish mening ishim emas. Men maydonda o'zimni ko'rsatsam bo'lgani.

7. Ayollar va futbol. Bunga qanday qaraysiz?

- To'g'ri qarayman. Barcha o'z qiziqishlarini amalga oshirishga haqli. So'nggi yillarda bu borada oldinga qadam tashlanganini ham alohida takidlash kerak.

8. O'zingiz o'yinlarini kuzatgan futbolchilar orasidan ramziy jamoa tuzib bering.

- Tibo Kurtua, Dani Karvaxal, Serxio Ramos, Karles Puyol, Marselo, Xavi, Inesta, Odil Ahmedov, Leo Messi, Krishtianu Ronaldu, Zlatan Ibrohimovich.

9. Hayotdagi kumiringiz kim?

- Payg'ambarimiz Muhammad (s.a.v)ni yaxshi ko'raman.

10. O'zingizga yoqmagan tarafingiz qaysilar? Kamchiliklaringiz...

- Juda ham injiqman. Bu boshqalargayam yoqmasa kerak.

11. Hayotingizning burilish nuqtasi sifatida qaysi voqeani eslaysiz?

- Birinchi marta to'p tepgan kunim bo'lsa kerak. Futbol o'ynab ketolmaganimda hozir barchasi boshqacha bo'lardi.

"8+3". O'zbekiston terma jamoasini hech qachon kuchli murabbiy boshqarmagan (12-son)