“Paxtakor-79” xotirasiga
Qushlar qoqadi qanot
Toshkentning osmonida.
Eshitilar oh-faryod
“Paxtakor” maydonida.
Qushlar qaytadi bir kun
Saflarini buzmasdan.
Ko'kka termulaman men
Umidimni uzmasdan.
Dili og'rimasin deb,
Hech kim rostin aytmaydi –
“Paxtakor” samolyoti
Endi ortga qaytmaydi.
Ko'z o'ngimda go'yoki
Qad ko'tarar tirik jon.
Yulduz futbolchi asli
Samoni aylar makon.
O'g'lonlar erta ketdi,
Shijoati so'nmasdan.
Biri yosh kuyov, biri
Chimildiqni ko'rmasdan.
Birida – mo'rg'ak o'g'il,
Burunchasi piqirlar.
Bilmaydi u... bilmaydi...
Har kuni eshik poylar.
Endi diydorlashishning
Bo'lmaydi hech fursati.
Qo'lida padarining
Kulib turgan surati.
Otasining jamoasin
Eslab qolgan u zukko.
So'lakchasin oqizib,
Shivirlaydi: “Pa-ta-ko...”
Tilga kiradi surat:
“Yig'lamagin, jujuqcha.
Qaerda bo'lmagin, men
Hamisha yoningdaman.
Otangning ruhin shod qil,
Ko'rsat matonatingni.
Boshingni baland ko'tar,
G'oz tutgin qomatingni!..”
Mushtipari dod solar,
Bag'rida ho'l yostig'i:
“Sening o'rningga, mana,
Men o'lsam bo'lmasmidi...”
Uchayotgan qushlarga
Ona pichirlar g'amgin:
“Kulikovo dashtiga
Nolalarim etkazgin...”
Shikastlangan Isoqov
Ko'kka parishon boqar.
Ko'zlariga qo'shilib,
Oyog'idan yosh oqar.
Der: “Oyoq-ku, tuzalar,
Ammo etishmas havo.
Qalbda qolgan chandiqqa
Topib bo'lmaydi davo...”
...Qushlar qoqadi qanot
Toshkentning osmonida.
Eshitilar oh-faryod
“Paxtakor” maydonida.
Qushlar qaytadi bir kun
Saflarini buzmasdan.
Ko'kka termulaman men
Umidimni uzmasdan.
Dili og'rimasin deb,
Hech kim rostin aytmaydi –
“Paxtakor” samolyoti
Endi ortga qaytmaydi.
Bugun ulg'aygan o'g'il,
Sochlariga yoqqan qor.
Farzandiga otasin
Eslatar takror-takror.
Bobosining jamoasin
Yod olgan jajji zukko.
So'lakchasin oqizib,
Shivirlaydi: “Pa-ta-ko...”
Ular ko'zlagan yo'lni
Avlodlari zabt etar.
Mamlakat o'g'lonlari
Dunyoni zir titratar.
Uzoqlashmaydi bizdan,
Qalbimizda siyrati.
Aks etar yulduzlarda
Kulib turgan surati.
Tilga kirar yulduzlar:
“Taslim bo'lma hech qachon.
Qaerda bo'lmagin, men
Hamisha yoningdaman.
Ajdodlar ruhin shod qil,
Ko'rsat matonatingni.
Boshingni baland ko'tar,
G'oz tutgin qomatingni!”
2024 yil
O’xshash yangiliklar
"Paxtakor-79" xotirasiga hurmat bajo keltirilgan, jamoalar durangga rozi bo'lgan "Dinamo" – "Paxtakor" bahsidan GALEREYA
Igor Sergeev: "Hakamlarga o'yin borasida jiddiy savollar bor. "Paxtakor-79" bilan bog'liq fojiani unutmaslik lozim"
Bobir Abdixoliqov: "Har qanday futbolchi asosiy tarkibda o'ynashni xohlaydi"
Superliga. "Neftchi" bir kishi kam bo'lib, "Nasaf" ustidan g'alaba qozondi. "Dinamo" esa "Paxtakor" bilan durang o'ynadi
Vadim Abramov: "Futbolni to'g'ri o'ynash kerak, shunda hammasi joyiga tushadi"
Kamoliddin Tojiev: "Barcha o'yinlarda oxirigacha kurashyapmiz"
Superliga. Qizil kartochka ko'rsatilgan o'yinda "Dinamo" va "Paxtakor" murosaga keldi
Fikrlar
Musobaqalar
O'zbekiston Superliga Rossiya Xalqaro Angliya Germaniya Ispaniya Italiya Fransiya Boshqalar →Intervyular
"Paxtakor"ni chempionlik kurashidan chiqarishga hali erta" -
Azamat Abduraimov bilan ikkinchi davra starti tahlili
Ekspert fikri. Rasul Rahmonov: "Andijon"da o'ziga bo'lgan ishonch uyg'onmoqda"
Ilyos Zeytullaev: "Orzu qilish zarar qilmaydi, oxirigacha kurashamiz!"
"Buxoro"ning tayyorgarligi, yangi futbolchilar, yoshlar yoxud Ulug'bek Bakaev ikkinchi davrada yuqorilashga umid qilmoqda
"Natija uchun bazida mazmunli o'yindan voz kechdik. Etakchilarimizni yo'qotishni istamaymiz, Xebaydan esa ko'p narsa kutgandik" - Ro'ziqul Berdiev bilan intervyu
Boshqa intervyular
