Dinamo Gruziya vice-chempionini mag'lub etdi. Yagona golni O'zbekiston terma jamoasi sobiq futbolchisi urdi

O'yin o'rtoqlik maqomida bo'lsa-da, har ikki tomon ham bahsga jiddiy munosabatda bo'ldi. Buni har ikki tomondan ham bir nafardan o'yinchi chetlatilganidan bilsa bo'ladi.

Vadim Abramov shogirdlari o'yinni hujumkor boshlab, 10-daqiqada Sanjar SHoahmedovning uzatmasidan keyin Vladimir Kozak hisobni ochdi – 1:0.

32-daqiqada raqib o'yinchisi tezkor qarshi hujumda Farrux Ikromovni qo'pollik bilan to'xtatib qolgach, maydondan chetlatilgan bo'lsa, ikkinchi bo'limda yosh himoyachi Anvarjon Fayzullaev ikkinchi sariq kartochkani olib o'yindan chetlatildi. Tomonlar kelishuviga ko'ra, ikki safar ham raqib safiga boshqa o'yinchi tushirildi.

O'yin davomida Gruziya chempionati kumush medali sohibidan ustunligini ko'rsatgan Samarqand jamoasi ketma-ket ikkinchi kungi o'yinda ham g'alabaga erishdi.

O'rtoqlik o'yini. Turkiya, Belek
16 fevral (juma)
«Dinamo» (O'zbekiston) - «Dinamo» (Gruziya) – 1:0
Gol: Vladimir Kozak, 8.
«Dinamo»: Ravshanbek Yagudin, Artyom Sokol, Odil Abdumajidov, Dushan Miyich, Vladimir Kozak, Franchesko, Francis Narx, Sanjar SHoahmedov, Xislat Xalilov, Farrux Ikromov, Kojo Joel.
Ikkinchi bo'limda maydonga tushganlar: Anvarjon Fayzullaev, Ulug'bek Abdullaev, Xurshidbek Ubaydullaev, Komil SHarofutdinov, Doston Foteev, Vohidjon Oqbo'taev, Damir Temirov, Humoyunmirzo Iminov, Abubakr Muydinov, Anvar Hojimirzaev, Elnur Saidmuradov, Emmanuel Yagr.