Ян Облак: "Олтин тўп" ҳақида ўйламайман. Умид қиламанки, "Атлетико" ЧЛни қўлга киритади"

"Мен ҳеч қачон "Олтин тўп" ҳақида ўйламайман. Шуғулланаман, ўйнайман ва ўсишга ҳаракат қиламан. Бу иш эса журналистларники.

Мен шунингдек Ла Лиганинг энг яхши дарвозабонига бериладиган унвонни ҳам ўйлаб ўтирмайман. Мени безовта қиладиган ягона нарса - келаси йил Чемпионлар Лигасига чиқиш ва мавсумни ўзимиз хоҳлаган ўринда тугатиш. Мен ушбу совринни қўлга кирита оламан, аммо бу ҳақда ўйламаганман ва ўйламайман ҳам.

Мавсум одатдагидек ўтмаяпти. Буни ҳеч ким кутмаганди. Бизга яна шуғулланиш имконияти берилганидан хурсандмиз. Бир ой олдин шубҳалар бор эди, ҳозир эса жамоадаги ҳамма билан машғулотлар олиб боряпмиз. Футбол олдингидек стадионлардаги мухлислар билан ўтмайди, аммо чемпионатда керакли позицияни эгаллаш ва ЧЛга йўлланма олиш керак. Умид қиламизки, биз Чемпионлар Лигасини юта оламиз", - дейди Облак.