UZ

Сўнгги янгиликлар

15:50Евро-2024. Хорватия - Италия. Превью  0 15:37"Милан" "Тоттенхэм" ҳимоячисига қизиқяпти  1 15:13Баҳодир Мирзаев ОКМК билан шартномасини 5 йилга узайтирди  0 14:49"Манчестер Сити" Украина терма жамоаси дарвозабонини жалб қилмоқчи  1 14:22"Ланс" Абдуқодир Ҳусанов Олимпиадада қатнашишига рухсат берди  7 14:00Эшитдик-да! Биринчи давра якунланмасдан "Динамо"ни яна бир футболчи тарк этди  3 13:44Суперлига: "Насаф" - "Нефтчи" ва 12-турнинг қолган баҳсли вазиятлари юзасидан Эксперт-ҳакамлар комиссияси хулосаси   39 13:19Ла Лига клублари Европа чемпионатининг грузиялик юлдузига даъвогар  0 12:52"Ливерпуль" "Наполи" хавбекига қизиқмоқда  0 12:26"Атлетико" Словакия терма жамоаси футболчисини сотиб олиши мумкин  0 11:59"Челси" Жонатан Дэвиднинг вакили билан музокаралар олиб бормоқда  1 11:30"Барселона" сотмайдиган футболчилар рўйхати аниқ  3 11:05Дэвид Бекхэм «Реал Мадрид» собиқ футболчисини жамоасига олиб келмоқчи  1 10:37Германия терма жамоасида нимчорак финал олдидан битта йўқотиш бор  0 10:10Англия терма жамоаси футболчиси танқидчиларга жавоб қайтарди  8

Хитой терма жамоаси билан ўйин ўтказишни режа қилган “Наполи”, “Спартак-Алания”га йирик ҳисобда мағлуб бўлган “Нефтчи”, 2006 йилги ЖЧни ўзида қабул қилмоқчи бўлган ЖАР. Ўзбек футболи газеталари 27 йил аввал нималар ҳақида ёзган? Янгиликлар

Хитой терма жамоаси билан ўйин ўтказишни режа қилган “Наполи”, “Спартак-Алания”га йирик ҳисобда мағлуб бўлган “Нефтчи”, 2006 йилги ЖЧни ўзида қабул қилмоқчи бўлган ЖАР. Ўзбек футболи газеталари 27 йил аввал нималар ҳақида ёзган?

Футбол – йилдан йилга ўзгараётган, такомиллашиб бораётган, миллионлар эмас, балки миллиардлар ўйинига айланаётган спорт тури.

Интернет нашрлар ривожланиб, янгиликлар турли тармоқларда узатилишидан аввал барча соҳаларга қатори футболга оид янгиликлар ҳам инсонларга телевидение, радио ва газета-журналлар орқали етказиб берилган.

Хўш, бундан 27 аввал ўзбек футбол газеталари нималар ҳақида ёзган, мулоҳазалар қилган, кимлар билан интервюлар уюштирган? Буларнинг барчаси “Ўзбек футболи газеталари тарихи” рукнида эълон қилиб борилади.

1996 йилнинг 31 январь куни нашр қилинган “Ўзбекистон футболи” газетасининг илк саҳифасида эътиборга молик бўлган йиғилиш бўйича хабар берилган. Хусусан, ўша пайтлардаги ЎФФ томонидан клублар учун йиғилиш ташкил қилинган. Унда чемпионат Низомига ўзгартиришлар киритиш бўйича таклифлар ўртага ташланган. 

“Нефтчи” Ҳамдўстлик мамлакатлари кубогида иштирок этиш учун тайёргарлик кўраётгани ҳақида аввалги мақоламизда хабар берган эдик. Клуб эндиликда Москвага етиб борган. Кун совуқ, деярли ҳар куни қор ёғса ҳам ўйинлар иссиқ манежларда (усти ёпиқ футбол майдони) ўтказилиши айтилган. 

Ушбу мақола эълон қилингунга қадар “Нефтчи” икки ўйинни ўтказиб бўлган. Дастлабки учрашувда “Зимбру” устидан 2:1 ҳисобида ғалаба қозонилган бўлса, кейинги ўйин Россия ёшлар терма жамоасига қарши бўлган, бироқ 1:2 ҳисобида фарғоналиклар мағлуб бўлган. Учинчи кунда эса фарғоналиклар “Сконто” клубига қарши учрашувда иштирок этишган, бу сафар ҳам 1:2 ҳисобида мағлубиятга учрашган.

Ҳозирги ЎФА вице-президенти Равшан Эрматовнинг отаси Сайфиддин Эрматов нафақат ҳакам, балки болалар мураббийи сифатида ҳам кучли мутахассис бўлган. Газетанинг мазкур сонида у билан интервью ташкил этилган. 

“Трактор” жамоасининг янги мавсумдан ниятлари жиддий. Улар “кучли олтилик”ни мақсад қилишган. Мураббий Виктор Борисов жамоаси 27 январдан 11 февралга қадар Малайзияда ўқув-йиғин машғулотларини ўтказишни айтиб ўтган. 

Мураббий бўлажак V чемпионатдан нималар кутмоқда? Аввало, спорт принципларига риоя этилиши, футболчилар хоҳлаган вақтида у ёки бу клубга ўтиб юрмаслиги, ҳамма жамоаларга бир хил муносабатда бўлиш ҳамда тақвим масаласида қулайликлар бўлишини айтиб ўтган. 

Газетанинг 1996 йилнинг 7 февраль кунги сонида “Ҳамдўстлик кубоги”нинг сўнгги натижалари бўйича маълумотлар берилган. “Нефтчи” чорак финалда “Спартак-Алания” жамоасига 0:9 ҳисобида мағлуб бўлгани эътиборга молик. 

Финалда ғолиб бўлган Киевнинг “Динамо”си сафидаги ягона голни Андрей Шевченко урган.

1992 йили Олмалиқ шаҳри номидан Олий лига мусобақаларида иштирок этишни бошлаган “Кимёгар” жамоаси эндиликда нафақат Биринчи лига, балки вилоят биринчилигида ҳам охирги поғонада бўлиб турибди. 

Африка кубоги мусобақаси Жанубий Африка Республикасида ўтказилган. 20 кун давомида бўлиб ўтган мусобақа тўғрисида берилган маълумотда ЖАР 2006 йилги Жаҳон Чемпионатини қабул қилишга тайёргарлик кўраётгани айтилган. Амалда эса, ЖАР ЖЧ-2010 ни қабул қилди. 

Мусобақа чемпиони ҳам мезбонлар. Улар финалда Тунисни мағлуб этишган. 3-ўрин учун ўйинда Замбия Ганани 1:0 ҳисобида мағлубиятга учратган. 

Хориж хабарларидаги яна бир эътиборга молик жараён Италия клубларининг Осиёга ташрифи режаси. Хусусан, “Наполи” ва “Лацио” Хитой миллий терма жамоаси билан ўртоқлик учрашуви ўтказишни режа қилган. 

Мавзуга доир: Футболни ривожлантириш бўйича Вазирлар Маҳкамаси қарори, Олий Лигага чиқолмаётган “Металлург”, Малайзияда йиғин ўтказадиган “Навбаҳор”. Ўзбек футболи газеталари 27 йил аввал нималар ҳақида ёзган?

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика