Улуғбек Бакаев: “Машъал” ҳимояда яхши ўйнади”

Ўйин ҳақида

- “Машъал” жамоасини ғалаба билан табриклайман. Учрашув бошидаёқ юзага келган биргина хато ортидан гол ўтказиб юбордик. Шундан сўнг ҳужумкорликни оширдик, ўйинни назорат қилишга интилдик. Биринчи бўлимда ҳам имкониятларимиз бўлди, бироқ у қадар кўп эмасди. Иккинчи бўлимда фаолликни янада оширдик, захирадан янги кучларни ўйинга ташладик. Бироқ эътироф этиш жоиз, “Машъал” ҳимояда яхши туриб берди. Умуман айтганда, ҳисобда эмас, ўйиндаги устунлигимизни кўрсата олдик. Йигитларга учрашув давомидаги фаоллик учун миннатдорчилик билдираман. 

- Пенальти белгиланган вазият ҳақида фикрингиз қандай? Ўша тезкор бўлмаганида ўйин бошқача натижа билан тугашими мумкинмиди?

- Гол ўтказиб юбориш руҳиятга таъсир кўрсатмасдан қолмайди. Бироқ, факт бу факт, эътирозга ўрин йўқ. “Машъал” ютдими, ютди. Навбатдаги учрашувларга муносиб тайёргарлик кўриб, зиммамиздаги вазифани уддалашга астойдил ҳаракат қиламиз.