“Тоттенхэм” Эриксенга ўринбосар топди

Кристиан Эриксен мавсум сўнгида Лондон клубини тарк этади. “Шпорлар” аллақачон унинг ўрнига номзод излашни бошлаб юборганди. Маълум бўлишича, клуб раҳбарияти “Аякс” ярим ҳимоячиси Ҳаким Зиёш вариантида тўхтамоқда. Марокашлик футболчига айни дамда “Атлетико Мадрид” ҳам даъвогар бўлиб турибди.

Жорий мавсум Зиёш Нидерландия чемпионатида 12 та ўйинда қатнашиб, 5 та гол урди ва 8 та голли узатмани амалга оширди.