Bu haqda klub matbuot xizmati xabar berdi. Yarim himoyachi farg'onaliklar safiga qishda borib qo'shilgan edi.
"Jasur Jaloliddinovga ahil jamoamiz nomidan kelajakdagi faoliyatida omad yor bo'lishini, jamoamiz ravnaqi yo'lida qo'shgan hissasi uchun minnatdorchilik bildiramiz", - deb yozilgan klub bayonotida.
"Championat.asia" ma'lumotiga ko'ra, Jaloliddinov faoliyatini tez orada Ozarbayjonning "Sumgayit" klubida davom ettirishi mumkin.
