Kamoliddin Tojiev qishdagi yig'in chog'ida jarohat olgandi. Operaciyadan keyin tiklanish jarayonini o'tkazgan himoyachimiz "So'g'diyona" bilan nazorat bahsida bir bo'lim maydonda harakat qildi. U ikkinchi davrada jamoamizga yordam berishi kutilmoqda.
Yarim himoyachi Jamshid Iskanderov esa Andijonda jarohatini qaytalab olgandan keyin tiklanish mashqlarini bajarish bilan band. U asta-sekinlik yakka tartibdagi mashqlarni bajarmoqda.
Yosh futbolchi Jamshid Boltaboev avgust oyi boshidan shug'ullanishni boshlaydi. Hozircha u ham yakka tartibda mashq qilishga kirishadi.
Hujumchi Elyor Mo'yiddinov esa jarohatidan davolandi va ikkinchi davradan yana yoshlar jamoasi safida maydonga tushish imkoniyatiga ega.
