"Месси ПСЖда вазият расво бўлганини айтди". "Шарлотт" собиқ ўйинчиси Лионель билан суҳбат ҳақида
06 окт 2024 11:56
Янгиликлар

"Месси ПСЖда вазият расво бўлганини айтди". "Шарлотт" собиқ ўйинчиси Лионель билан суҳбат ҳақида

Ҳозирда "Кортрейк" сафида ўйнаётган "Шарлотт" собиқ ярим ҳимоячиси Брехт Дежагере МЛС ўйинларидан бирида "Интер Майами" ва Аргентина терма жамоаси сардори Лионель Месси билан бўлган суҳбат ҳақида гапирди.

"Финал ҳуштагидан сўнг қаерда яхшироқ ҳис қилганини сўрадим — Майамидами ёки Францияда. У ҳайрон қолди. Мен "Тузула" ўйинчиси сифатида "Парк де Пренс"да унга қарши ўйнаганимни эслатдим. Лео эслолмади... аммо бу мен учун амалга ошган болалик орзуим эди.

Месси доим энг севимли ўйинчим бўлган! У билан кўришиш ўзгача нарса бўлганди. У менга ўша куни ПСЖдаги ҳолат расво бўлганини айтди. Сабаби аввалига парижликлар уни яхши қабул қилишган, Чемпионлар лигасидаги муваффақиятсизликдан сўнг эса унинг ҳар бир тўпга тегинишига ҳуштак чалишган ва бу тезда унинг жонига теккан.

Адашмасам, ўша куни уни икки бор йиқитдим. Аммо, ўйиндан сўнг унинг футболкасини сўрашга журъат қилолмадим: ҳар сафар унинг либосини тахминан 100 инсон сўрайди, бу унинг жонига ҳам теккандир...", — деди Дежагере.

Месси ПСЖдан "Интер Майами"га 2023 йилда ўтди.

Ҳавола :

Манба : rtbf.be

Янгиликларни Телеграмда ўқинг!

Рейтинг: +4