O'yin davomida ikki marotaba ortda borayotgan "shporlar" har ikkala holatda ham hisobni tenglashtirishga muvaffaq bo'lishdi. Ikkinchi golni hujumchi Xarri Keyn amalga oshirdi.
Keyn uchun bu gol "Tottenxem" tarkibida Angliya Premer-ligasidagi 184-gol bo'ldi. Bu natija bilan u bir klub tarkibidagi gollar soni bo'yicha Premer-liga rekordini takrorladi. Hozirda Keyn argentinalik Serxio Aguero bilan tenglashib turibdi, Aguero "Manchester Siti" safida 184 ta gol urgan, ammo yana bir gol Xarrini peshqadamga aylantiradi.
