Xabaringiz bor, telekanal Germaniya Bundesligasining 2025/26 yilgi mavsum uchun namoyish huquqini qo'lga kiritgandi. PSJning YCHLdagi muvaffaqiyatli o'yinlari sabab Fransiya chempionatiga ham qiziqish ortdi. Shuni inobatga olib, Fransiya chempionati 2025/26 yilgi mavsumining namoyishi bo'yicha ham kelishuvga erishilgan.
Ahamiyatlisi, Bundesliga va Fransiya chempionatining joriy mavsum yakuniy qismi "Futbol TV" va "Sport" telekanallarida namoyish etiladi.
Shu tariqa top-5 chempionatlardan ikkitasining 2025/26 yilgi mavsum namoyish huquqi qo'lga kiritildi. Tomoshabop futbol va sport iventlari namoyish huquqi bo'yicha muzokaralar davom etmoqda.
