Алишер Одилов: "Хато қилишга ҳаққимиз йўқ эди. Бугун бутун водий бирлашди"
22 ноя 2025 18:39
Янгиликлар
Алишер Одилов: "Хато қилишга ҳаққимиз йўқ эди. Бугун бутун водий бирлашди"
- Учрашув олдидан жамоа ичидаги вазият ҳақида нима дея оласиз? Чемпионликни қўлга киритиш бир қарашда осондек туюлади, аммо аслида ортиқча босимни юзага келтиради. Ичкаридаги атмосфера қанақа эди?
- Барча фарғоналикларни ғалаба билан табриклайман! Ички муҳит аъло даражада эди. Хато қилишга ҳаққимиз йўқ эди. Аллоҳга шукрки, 24 йил деганда чемпионликни тақдим этдик.
- "Тўй учун ҳаммасини бажаряпмиз, ишқилиб футболчилар ютиб берсин" деган гап-сўзлар бўлди. Бу футболчиларга босим юкламадими?
- Босим албатта бўлди. Тайёргарлик 2 кун олдин бошланиб кетганди. Тошкентдан усти очиқ автобус келтирилди. Босим жуда катта эди. Бугун бутун водий бирлашди. Ўйиндан олдин футболчилар боримизни беришга келишиб олгандик.

- Ҳисоб 4:1 лигини кўрганлар, "Нефтчи" осонгина ғалабага эришди деб ўйлайди. Аслида қанчалик қийин бўлди?
- "Қизилқум"дан жиддий қаршилик кутгандик. Бундай атмосферада тўп тепиш рақибга қийинчилик туғдирди деб ўйлайман.
- Мавсум бошида "Нефтчи"нинг натижалари унчалик яхши эмасди, лекин мавсум ўртасига келиб ҳолат яхшиланишни бошлади. Қачон бурилиш нуқтаси юзага келди?
- Аввало, ҳаммаси Аллоҳдан. Биринчи даврада омад етишмади деб ўйлайман. Иккинчи даврада ҳоким жамоага қаттиқ эътибор бера бошлади. Сабаб шунда деган фикрдаман.
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар