Эшитдик-да! Вадим Абрамов “Бунёдкор” кийим алмаштириш хонасида?

Аммо бу Вадим Абрамовга кўп ҳам таъсир қилгани йўқ. Биз унинг “Бунёдкор”нинг ўртоқлик учрашувларида футболчиларга кўрсатма бераётгани масаласига тўхталиб, уни суратлари билан намойиш қилгандик.

Шунга қарамай, Вадим Абрамов Суперлига илк турида барибир “Бунёдкор” кийим алмаштириш хонаси атрофида пайдо бўлди. Ҳолат албатта ЎзПФЛ комиссарининг эътиборидан четда қолмади. Хўш, комиссар буни ўз рапортида қайд этадими ёки йўқми?

Умуман олганда Шуҳрат Мақсудовнинг клубда ҳақиқий бош мураббий эканига ишониш қийин. Жамоани мавсумга Марат Мифтахутдинов тайёрлаганди. Чемпионат бошланишига жуда оз қолганида Мақсудов бош мураббий сифатида таништирилди. Бизга маълум бўлишича, бунга фақатгина битта сабаб бор, у ҳам бўлса, Мифтахутдиновда Про лицензиясининг йўқ эканлиги. Абрамов клуб ишларида фаол бўлса, Мифтахутдинов унинг айтганлари асосида клубни бошқараётган бўлса, матбуот анжуманларида иштирок этаётган Мақсудов аслида иккинчи шахс ҳам бўлмаслиги мумкин.