Эртага 20 январь куни ўйинолди матбуот анжумани ташкил қилинади.
Дастлаб, маҳаллий вақт билан соат 11:30да Австралия терма жамоаси бош мураббийи Грэм Арнольд ва терма жамоа футболчиси журналистлар саволларига жавоб бериб ўтади. Кейин соат 12:15да Ўзбекистон миллий терма жамоаси бош мураббийи Эктор Купер ва ярим ҳимоячи Жалолиддин Машарипов матбуот анжуманида иштирок этади.
Шу куни кечқурун соат 18:00да "Халифа бин Зайд" стадионининг 3-машғулот майдонида Ўзбекистон миллий терма жамоаси ўйинолди машғулотни ўтказади. Машғулотнинг дастлабки 15 дақиқаси ОАВ учун очиқ.
