“Челси” мухлислари Кепанинг Википедиядаги саҳифасига ҳужум қилишди
25 фев 2019 16:54
Янгиликлар

“Челси” мухлислари Кепанинг Википедиядаги саҳифасига ҳужум қилишди

Лондоннинг “Челси” клуби мухлислари жамоа дарвозабони Кепа Аррисабалаганинг Википеядаги расмий саҳифасига ҳужум қилиб, унинг маълумотларини ўзгартиришди, дея хабар беради 101 Great Goals.

“Кепа дунёдаги энг нопрофессионал пасткаш инсон. Онаси эса унга яхши тарбия бермаган. У Англия лига Кубогидаги мағлубиятдан сўнг, “Челси” бош мураббийи Маурицио Саррининг ўрнини эгаллади”, - дея ўзгартирилган футболчи ҳақидаги маълумотлар.

Эслатиб ўтамиз, “Манчестер Сити”га қарши Англия лига Кубоги финалининг 118-дақиқасида Кепа Аррисабалага оқсоқланиб, ўйинни давом эта олмайдигандек тасаввур уйғотганди. Шу сабабли мураббийлар штаби унинг ўрнига Кабальерони майдонга туширмоқчи бўлди. Захирага олинаётганини кўрган Кепа қўл ҳаракатлари билан учрашувни давом эттира олишини кўрсатиб майдонда қолишини кўрсатади ва, Саррининг ғазабига сабабчи бўлади.