UZ

Сўнгги янгиликлар

19:28Асрор Алиқулов: "Бугунги ўйинга стандарт вазиятлар бўйича ишлагандик"  0 19:23Тимур Турдиев: "Голларни ўз хатоларимиз эвазига ўтказиб юбордик"  0 19:22"Хоразм" Янгиердан ғалаба билан қайтмоқда. "Шўртан" сўнгги дақиқаларда ғалабани қўлдан чиқарди  1 19:14Артур "Феррари"да автоҳалокатга учради  0 19:08ОФК кубоги-2021. "Моҳун Баган" жамоаси "Марказий" стадионга етиб келди  4 19:01ОФК кубоги-2021. "Насаф" "Марказий" стадионга етиб келди  4 18:52ОФК кубоги. "Насаф" - "Моҳун Баган". Асосий таркиблар маълум  21 18:47Olamsport: Жамоавий спорт турида ЖЧга чиқишга яқинмиз, Маҳмуд Мурадов лигаси турнирининг санаси аниқ ва бошқа хабарлар  0 18:31Клублар ўртасидаги ЖЧ финалини Рио-де-Жанейро қабул қилиши мумкин  2 18:30ОФК кубоги - 2021. "Насаф" - "Моҳун Баган". Жамоаларнинг кийиниш хонасидан суратлар  7 18:10"Барселона" собиқ ўйинчиси Паулиньо эркин агентга айланди  3 18:0660 ёшли Суринам вице-президенти КОНКАФАФда "Интер Моэнготапоэ" сафида ҳаракат қилди: у асосий таркибда майдонга тушди ва 54-дақиқада захирага олинди  7 17:52Спортчилар ижтимоий тармоқларда (25+2)  0 17:47Омар Моманидан карикатура: Ромео Бекхэм профессионал футболда дебют қилди  0 17:23Анчелотти: "Камавингада "Реал"да ўйнаш учун барчаси бор"  1

“Бир йилда антисептик воситаларига бензинга қанча сарфлаган бўлсам, ҳудди шунча сарфладим” – Ўзбекистон клубларининг матбуот котиблари карантин даврини қандай ёдга олишади? Янгиликлар

“Бир йилда антисептик воситаларига бензинга қанча сарфлаган бўлсам, ҳудди шунча сарфладим” – Ўзбекистон клубларининг матбуот котиблари карантин даврини қандай ёдга олишади?

Бугун 2021 йилнинг 16 март санаси. Роппа-роса бир йил аввал айнан шу кунда юртимизда ўқув муассасалари, иш жараёнлари тўхтатилиб, масофавий ва онлайн режимга ўтган эди.

Шунингдек, 2020 йилнинг 16 мартидан бошлаб Ўзбекистонда футбол учрашувлари ҳам тўхтатилган эди. Ўтган мавсумда карантин сабаб тўхтаб қолган чемпионат ўйинлари кейинчалик яна давом эттирилди. Бироқ жамоаларнинг баъзи футболчи, ходимларида вирус аниқланиши, иккинчи бор карантин бўлиши, албатта, осон бўлмади. Бугун карантин эълон қилинганига бир йил бўлгани сабаб Ўзбекистон Суперлигасининг айрим жамоалари матбуот котибларидан ўтган йил ҳақида фикрларини, хотираларини сўрадик.

“Қўқон-1912” жамоаси матбуот котиби Акрамжон Мамадалиев:


“Бугун бутун дунёни хавотирга солган коронавирус пандемияси юртимизга кириб келиб, карантин бошланганига 1 йил бўлди. Aйнан шундан кейин Ўзбекистон чемпионати ўйинларида тўхталишлар бўлди, футболчилар, мураббийлар ва ўзи умуман футбол кишиларнинг барчаси ўз соғлигини хавфга қўйиб ишлади. Бир томондан олиб қарасак, ўтган йил мен учун жамоамизнинг яхши ўйинлар кўрсатгани билан эсда қолди, лекин барибир мана шундай яхши ўйинларни мухлисларимиз билан бирга нишонлай олмаганимиз аламли ҳолат бўлди. Уйимизда чиқолмаган даврларимиз ҳам бир умр хотирамизда сақланиб қоладиган бўлди. Умид қиламанки, бу балодан бутун дунё, юртимиз қутилади ва тўлиб-тошган стадионларда чиройли ўйинлар ўтказамиз”.




“Пахтакор” жамоаси матбуот котиби Беҳзод Назаров:

“Бир йил олдин унгача хориж давлатларида бу касаллик кўплаб инсонларда аниқлангани ҳақида ўқигандим, шу сабабли коронавирусга чалинган одамлар Ўзбекистонда ҳам топилгани ҳайратланарли ҳол эмасди. Фақат вирусга қарши қандай курашиш кераклигини деярли ҳеч ким билмасди, шу сабабли бутун жаҳон бўйлаб шифокорлар кўрсатмалари кутилди. Футбол ёки бошқа тадбирларнинг ўтказилишида ўзгаришлар бўлиши аниқ эди, чунки бу пандемияга айланаётгани билиниб турганди ва Осиё Чемпионлар Лигасидаги ўйинимиз шу туфайли кечиктирилганди. Кейинчалик мухлисларсиз ва махсус шароитда ўйинлар ўтказила бошланди”.




AГМК жамоаси матбуот котиби Шаҳбоз Беғамов:


“Очиғини айтсам, бошида тушунмагандим. Каратин қандай тартибда бўлиши-ю, яшаш қандай бўлиши менга қоронғу эди. Футболнинг буёғига қандай бўлиши ҳақида ўйлаб кўрган эдим, лекин кўпроқ шахсий ҳаётда қандай ҳаёт тарзи кечиши ҳақида фикрлагандим. Менда шу пайтгача карантиннинг нима эканлиги ҳақида тушунча ҳам йўқ эди. Кейинчалик инсон ҳам бу жараёнларга кўникиб борди. Мен шу карантин даврида, бир йил ичида антисептик воситаларига машинанинг бензинига қанча сарфлаган бўлсам, ҳудди шунча сарфладим, десам адашмаган бўламан. Шу жиҳатдан ҳам карантин мен учун эсда қолди”.




“Локомотив” жамоаси матбуот котиби Хайрулла Холиқов:

“Ўтган йили 15 март куни карантин деб эълон қилинди. Aдашмасам, ўша куни "Локомотив" ўйин ўтказганди ва эртаси куни, душанбадан бошлаб карантин эълон қилинган эди. Коронавирус ҳақида тўлиқ маълумотга эга эмасдим. Шу боис ҳам ҳаяжон, хавотир бўлмаган. Очиғи, мен буни оддий қабул қилганман. Ҳамма қатори нима бўларкин, дея кутганман. Уйда қолинг, кўчага чиқманг, дейишди. Кўчага чиққанда ҳам, асосан, дўконга, дорихонага, бозорга чиқиб келдим фақат. Бошқа иш билан чиқмадим.

Яна бир нарсани айтаман, дастлаб карантин эълон қилингач мен 2 ҳафтача маза қилганман уйда дам олиб. Китоб ўқиб, оилавий хордиқ олиб, маза қилганман. Лекин ундан кейин зерикиш бошланди. Ҳар куни ишга борадиган одам уйда ўтириб қолса зерикар экан.

Футбол ҳақида айтадиган бўлсам, бошида масофадан ишладик. Очиғи, футболнинг яна бир қизиқ томонини сездим. Бир йил футбол бўлмаса ҳам у ҳақида ёзишга, гапиришга хоҳиш, мавзу бўлаверади. Уни 24 соат муҳокама қилсангиз ҳам тугамайди. Ўйинлар, ҳакамлар, футболчи ва мураббийлар мавзуларининг охири йўқ.

Ўша вақтда мен нима қилдим? "Локомотив" жамоаси матбуот котиби бўлганим сабабли жамоага оид турли статистикаларни йиғдим. Бунинг учун Championat.asia сайти муҳаррири Нарзулла Сайдуллаевга раҳмат. У кўп ёрдам берди. Жамоанинг статистикаси, тарихига оид маълумотларни йиғиб, қизиқарли хабар ва мақолалар ёзишга ҳаракат қилдим. Шунингдек, зоом орқали футбол кишилари билан суҳбатлашдик. Менимча, бу ҳам жуда қизиқарли кечди. Уйда зериккан кишилар учун ҳам бу яхши бўлди.

Мени кўпроқ ўйлантирган нарса, футболчиларга қанчалик қийин бўлиши эди. Улар спортчи, ҳар кунги машғулотларга ўрганиб қолишган. Улар машғулот ўтказмай формаси тушиб кетиши мумкин. Улар учун муҳими тўп тепиш эди. Лекин бу ҳам қийин бўлди.

Карантин мен учун катта дарс, сабоқ бўлди. Биринчи навбатда, одамзоднинг соғлиги ва қадри юқори ўринда туришини тушундим. Карантин менга шу нарсани ўргатди”.




Ҳар не бўлганда ҳам тинчлик ва соғлик бўлсин. Шу иккиси бўлса қолгани бўлади, менимча. Ҳурматли мухлис, сиз карантиннинг илк кунида қандай ҳолатда эдингиз? Қандай ўй-фикрлар ўтган эди сиздан?


Оғабек Самисов тайёрлади

Рейтинг: -4   

Фикрлар

championat.asia
< сўнгги янгиликларни кўриш
Яндекс.Метрика