UZ

Сўнгги янгиликлар

18:52Эшитдик-да! Қирғизистон терма жамоасининг янги бош мураббийи ким бўлиши маълум  0 18:44Футзал. ОКМК ва БМБ ўртасидаги ярим финалда 12 та гол урилди  0 18:32Ибрагимович: "Леау, Меньян ва Тео Эрнандес "Милан"да қолади"  0 18:10"Насаф"нинг ОФК Чемпионлар лигасидаги йўли — 300 мингдан 3 миллион АҚШ долларигача  10 18:00Про лига. "Арал" - "Шўртан". Онлайн натижа  0 17:53Қирғиз Республикаси терма жамоаси билан тарихий натижа қайд этган мураббий ишдан кетди  5 17:20Евро-2024. "Қизилқум" устози Жамшид Саидов: "Футболчилари АПЛнинг гранд жамоаларида ўйнайдиган Шотландия кутилмаган натижа қайд этиши мумкин"  0 16:56Футзал. Ўзбекистон кубогининг илк финалчиси маълум бўлди  1 16:46"Пахтакор" Осиё Чемпионлар Элит лигасида 12 миллион АҚШ доллари ишлаб олиши мумкин  18 16:26Расман: Эдин Терзич истеъфога чиқарилди  1 15:54Расман: Витсель "Атлетико" билан янги шартнома имзолади  0 15:25Ўзбекистон U-20 устози Фарҳод Нишонов: "Саралашда энг катта муаммо рақиблар эмас, иқлим бўлиши кутилмоқда"  0 15:20Паулу Фонсека — "Милан" бош мураббийи  3 14:54Рафаэль Варан ҳам АҚШга йўл олиши мумкин   0 14:30Евро-2024. Февзи Давлетов: "Чемпионлик учун фаворитлар кўп. Лекин бошқа жамоаларни ҳам унутмаслик керак"  1

Суперкубокдан олдин. "Динамо", "Олимпик" ва "Локомотив" матбуот котиблари қандай фикрда? Янгиликлар

Суперкубокдан олдин. "Динамо", "Олимпик" ва "Локомотив" матбуот котиблари қандай фикрда?

Бугун "Пахтакор" ва "Насаф" ўртасида Ўзбекистон Суперкубоги учун ўйин бўлиб ўтади.

Ушбу учрашувдан олдин Суперлига клубларида ишлаётган матбуот котибларининг фикрлари билан қизиқдик.

"Динамо" жамоаси Суперлига сўнгги икки турида Суперкубок ўйини иштирокчилари – "Пахтакор" ва "Насаф"га қарши ўйнади ва ҳар икки баҳсда ҳам 1:1 ҳисоби қайд этилди. Рўзиқул Бердиев ва Максим Шацких Суперкубокдаги тўқнашувга шу ўйинларни ҳам ўрганиб, тайёргарлик кўриши табиий. Қайд этиш лозим, "Пахтакор" "Динамо"дан ўйин тарафлама ҳам, бошқа жиҳатдан ҳам устунлик қила олмади. Дурангдан эҳтимол, амалдаги чемпион хурсанд бўлгандир. "Насаф" - "Динамо" ўйинида ҳам Бердиев шогирдлари бир киши кам қолгач, устунликни рақибга топшириб қўйишди. Шунга қарамай, Ғолиб Ғайбуллаевсиз бир киши камчиликда ҳимояда тартибли ўйин намойиш этиш эвазига дурангга эришди. Ушбу ўйинлардан келиб чиқиб айтадиган бўлсам, "Насаф" Суперкубокда фаворит. Бердиев ўйиндан кейин "Пахтакор"га қарши марказий ҳимояда муаммога дуч келиши мумкинлигини айтган бўлса-да, таркиб ва захира жиҳатдан ҳам Қарши жамоаси Тошкент клубидан анча кучлидек гавдаланмоқда.

Суперкубокда "Насаф" мағлуб бўлган тақдирда, Бердиевга нисбатан саволлар ёғилиши аниқ, Шацких эса ҳозирги вазияти учун максимумига эришган бўлади. "Насаф"нинг ғалабасини эса кутилган натижадек қабул қиламан, ҳар ҳолда Рўзиқул Бердиев бош мураббий сифатида ҳали бугунгидек нисбатан кучсиз "Пахтакор"га дуч келмаган", - деди "Динамо" матбуот котиби Усмон Ибодов.



"Таркиб, захиранинг узунлиги бўйича "Насаф" устун. "Пахтакор" ҳимоясида жуда кўп хатолар кўзга ташланмоқда. Иккала жамоада ҳам йўқотишлар етарлича.

Ўртада соврин ютиш имкони бўлгани боис иккала томон ҳам эҳтиёткорликка урғу қаратиши мумкин. Фикримча, "Насаф" кўпроқ иккинчи рақам бўлиб ўйнашга интилади. "Пахтакор" эса биринчи рақам бўлиб ҳаракатланса керак.

Кеча Р.Бердиев матбуот анжуманида "Пахтакор" қай пайтда ва қай ҳолатда бўлишидан қатъи назар "Насаф"га қарши мотивация ва "настрой" топа олади", - деганда жуда тўғри фикрни айтди. Худди шу нарса "Насаф"га ҳам тааллуқли. Улар ҳам бугунги рақибга қарши исталган пайт мотивация топа олишади. Учрашувда пенальтилар серияси кўрсак керак", - деди "Олимпик" матбуот котиби Толибжон Қосимов.



"Авваллари мавсум Суперкубок учун кечадиган баҳс билан бошланиб, шундан сўнг миллий чемпионатга старт бериларди. Ўшанда Суперкубокдан баҳорий футбол нафаси уфуриб турарди. Одамлар қиш бўйи футболсиз қолиб, Суперкубок санаси яқинлашар чоғда янги очилган куртак каби стадион томон бўйи чўзишарди.

Бугунги кунга келиб, ОФК чемпионлар Лигаси тақвими ҳамда ФИФАнинг халқаро тақвими ўзгариши сабаб ПФЛ миллий чемпионатни биринчи бошлашга тўғри келди. Лекин ҳозир муҳими бу эмас, энг асосийси, битта ўйиндан иборат бу тўқнашувга жамоаларнинг ўзи қанчалик қизиқаётганида.

Ўйин олдидан имкониятларни тенг деб баҳолган бўлардим. Лекин ғолиб битта бўлади. Хўш, ким ютади? Менимча, қайси жамоада индивидуал маҳорат бобида яхши ўйинчилар кўп бўлса, шу жамоа ғалаба қозонади ва Суперкубок соҳибига айланади.

Суперкубок баҳсининг биринчи давра айни қизиган пайтга қўйилиши ҳам "Пахтакор"ни, ҳам "Насаф"ни бирмунча эҳтиёт бўлиб ўйнашга ундайди. Асосийси бу ўйинни жароҳатларсиз ўтказиб олиш. Чунки ҳар икки жамоа кўпроқ Суперлигадаги ўз ўрни борасида бош қотиряпти деган фикрдаман", - деди "Локомотив" матбуот котиби Хайрулла Холиқов.


Рейтинг:    

Фикрлар

+1   
29 май 17:08:42
Shuxrat Nabiyev
Локомотив матбуот котиби нима деганини укиб УЗИиям тушинмаса керак
+1   
29 май 15:35:09
Аббосхужа
Bakhtiyor фойдаланувчининг фикрига жавоб бериш
менимча 90 дакика Насафдан узокдан дарвозага навеслар навеслар ва яна навеслар булади, 95% кайтарилади, 5% балки бирор нарса булиб колар.........ва тамом! бошкача усулни мен шахсан курмадим..... уртадан келиб дарвозага 10-15 метр колганида хам, чапга/унга оширади, у ердан соколлик бола юкоридан ошириши керак ва дарвозабон ушлаб олади тупни....
Охирги пайтларда Насафнинг ўйинида бир хиллик бўлаётганини сиз ҳам сезибсиз. Оширмалардан биттаси ўхшаб қолар, ёки биронтасини қўлига тўп тегар деган мақсадда худди шундай қилишади.Рўзиқул Бердиев яхшироқ тактикаларни ишлаб чиқмаяптида. Битта голдан кейин 80 дақиқа бўлса ҳам ҳисобни ушлашга интилади. Ман Насаф жамоасини ҳурмат қиламан ва неча йилдан буён чемпион бўлишини хохлайман. Рўзиқулдан илтимос қилардимки руҳиятни озгина кўтарсин. Бугун финалга хос ўйин кўрайлик. Ким кучли бўлса ўша ютсин.
   
29 май 14:53:37
Bakhtiyor
менимча 90 дакика Насафдан узокдан дарвозага навеслар навеслар ва яна навеслар булади, 95% кайтарилади, 5% балки бирор нарса булиб колар.........ва тамом! бошкача усулни мен шахсан курмадим..... уртадан келиб дарвозага 10-15 метр колганида хам, чапга/унга оширади, у ердан соколлик бола юкоридан ошириши керак ва дарвозабон ушлаб олади тупни....
-1   
29 май 16:16:09
Mamadiyorov Mahmud
Насаф Рўзиқул кетмаса чемпион бўлмаса керак, ҳамма уни ўйин тактикасини билиб олган, фақат ижро бирида ўхшайди бирида ўхшамайди, омад иккала жамоага ҳам.
-1   
29 май 15:25:25
bekaka
2та жамоага хам омад!!
Кучлиси ютсин
championat.asia
< сўнгги янгиликларни кўриш
Яндекс.Метрика