UZ

Сўнгги янгиликлар

12:37Шота Арвеладзе Ўзбекистон чемпионатида иккинчи бор ғолиб бўлган иккинчи хорижлик мураббий  5 12:14"Реал" Почеттино билан музокараларни бошлади  4 12:05Нотаниш футболкадаги Касьян, мухлислар қуршовидаги футболчилар "Сурхон" - "Сўғдиёна" учрашувидан фотогалерея  1 11:53Olamsport: UFC юлдузи 2021 йилда қайтади, Конорнинг 375 дақиқалик спарринги ва бошқа хабарлар  0 11:49Шиддатли кечиши кутилаётган “Севилья” – “Реал Мадрид” ва Ла Лиганинг 12-турдаги бошқа учрашувлари превьюси  4 11:37Асаби бўшлар кўрмасин! "Стандард Льеж" ҳужумчиси оғир жароҳат олди (18+)  8 11:16Суарес коронавирусга манфий тест топширди ва бугун "Атлетико"нинг умумий гуруҳига қайтади  0 10:55Мавсумдан сўнг футболчиларга қанча муддат дам бериш керак?  5 10:37Карикатура: Француз ҳужумчиларининг мураббийларига таъсири  5 10:14Чемпионлар Лигаси. Энг кўп ўйинларда ғалаба қозонган клублар (топ-10)  18 09:51“Боруссия Д”нинг икки асосий ўйинчиси жароҳат олди   0 09:36Ауарнинг “Ювентус”га трансфери нима сабабдан амалга ошмагани маълум бўлди   2 09:21Рюдигер ва Томори қишки трансферлар вақтида “Челси”ни тарк этади   4 09:06Стефано Пиоли: “Селтик”ка қарши баҳс ёш футболчиларимиз учун ҳақиқий дарс бўлди   6 08:51“Ницца” Патрик Виейрани истеъфога чиқаради   1

Асрор Алиқулов: “Таклифлар бўлди лекин “Шўртан”дан кетишни истамадим” Янгиликлар

Асрор Алиқулов: “Таклифлар бўлди лекин “Шўртан”дан кетишни истамадим”

Ёзги трансфер ойнаси шов-шувли ўтишларга бой бўлмқода. Айниқса тажрибали ўйинчиларнинг жамоаларини ўзгартираётгани, мухлислар орасида турли хил баҳс мунозараларни келтириб чиқармоқда.
Тажрибали ҳужумчи Анвар Солиевнинг “Пахтакор”ша қайтиши, Зайниддин Тожиевни эса “Нефтчи” билан келишувга эришгани кўпчилик учун кутилмаган ўтиш бўлди деса бўлади. Яқинда Асрор Алиқуловни ҳам “Шўртан”ни тарк этиши мумкин деган гаплар ҳам урчий бошлади. Аммо тажрибали ҳимоячи куни-кеча “Футбол Экспресс” газетасига берган интервьюсида жамоадан кетмаслигини айтиб ўтган.

- Асрор ака, хабарингиз бўлса керак, ёзги трансфер ойнасида бир қатор сезиларли ўтишлар амалга оширилмоқда. Хусусан, Солиев “Пахтакор”га қайтди, катта Тожиев эса иккинчи даврани “Нефтчи”да бошлаши аниқ бўлди. Охирги пайтларда сизни ҳам жамоангизни ўзгаритиришнгиз борасида хабарлар тарқалди. Аввало бунга ўзингизни ёрдамингизда аниқлик киритиб олсак дегандик.

- Ҳа, чиндан ҳам трансфер ойнасидаги ўтишлар қизиб бормоқда. Тўғри, менга ҳам олий лиганинг айрим жамоаларидан чорловлар бўлди. Лекин “Шўртан”дан кетишни истамадим. Ўзингизга яхши маълумки, биринчи давра ўйинларидан кейин кўплаб футболчилар жамоамиздан кетиб қолишди ва ўзларига янги клуб топишга уринишмоқда. Шундай оғир вазиятда мен ҳам “Шўртан”дан кетсам, бу клуб учун кучли зарба бўлади ва янада қийин холатга тушиб қолиши аниқ. Шу боис ҳар қандай қийинчиликни сабр бардош билан енгиб жамоа учун иккинчи даврада ҳам ўйнашга қарор қилдим.

- Юзага келган молиявий қийинчиликлар туфайли “Шўртан”ни етачи ўйинчилар тарк этишмоқда. Лекин сиз ҳамон жамоа билан биргасиз. Бунга кўпроқ нима туртки берди?

- Юқорида айтиб ўтганимдек, жамоани қийин вазиятда ташлаб кетгим келмади. Клуб раҳбарлари ҳам “Шўртан”да қолиб, ёрдам беришим муҳимлигини айтишганида уларга йўқ дея олмадим.

- Давралар оралиғида сезиларли йўқотишларга дуч келган “Шўртан”га мавсумнинг иккинчи қисмида осон бўлмаслигини, айни пайтда ўзингиз ҳам тушуниб турган бўлсангиз керак?

- Ҳа, тан оламан, айни пайтда олий лигада энг кучсиз жамоа “Шўртан” бўлиб қолди. Турнир жадвалида биз билан ёнма-ён турган “Динамо” ва “Қизилқум” янги футболчиларни жалб этиб, таркибини кучайтиришга эришмоқда. Бемалол айта оламанки, иккинчи даврада бизга осон бўлмайди.

- Бош мураббий Зоир Тўрақулов билан суҳбатлашганимизда, сизни ўйновчи мураббий сифатида ёрдам берсангиз дуруст бўлишини айтганди. Яқин вақт ичида мураббийликка ўтиш режангизда борми?

- Тўғри, айни пайтда машғулотларда Зоир акага ёрдам бериб турибман. Бунга сабаб бош мураббийнинг ёрдамчиси йўқлигидир. Тўрақулов машғулот чоғида барчасига улгура олмайди. Шунинг учун машқлари бажаришда у кишига кўмаклашяпман. Лекин ҳали расман мураббийликка ўтганим йўқ. Ҳозир футбол ўйнаш учун қуввати бор. Бемалол ўйнай олишимга кучим етади. Лекин вақтида, ҳурматинг борлигида тугатган ҳам маъқул деб биламан.

- “Шўртан”нинг айни пайтдаги тайёргарлиги қандай кечмоқда?

- Бугунги кунда футболчиларга қисқача таътил эълон қилинган. Яқинда Тошкентда бўлиб, тиббий кўрикдан ўтдик. Насиб қилса 23 июльдан навбатдаги йиғинни бошлаймиз. Ўшанда таркибда ҳам янги номлар бўлса ажаб эмас.


Исломбек Рустамбеков суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика