Куман: "Барселона" мухлислари чиройли ҳужумкор ўйин исташади. Аммо ҳимояланишни нотўғри деб ҳисоблашади"

- "Барселона" ҳозирги ўйин манерасини сақлаб қола олади деб ўйлайсизми? 

- "Барса"да барчаси жуда қийин. У ерда сени доимо чиройли, ҳужумкор ўйнашингни, ўйинни назорат қилишингни исташади. 

Жамоанинг сўнгги ўйинларини кўрдим, улар яхши ҳимояланишмоқда. "Барса" жуда кам гол ўтказиб юборяпти. Бу футболнинг бир қисми. Рақиб сенга ҳужум қилса, сен ҳимояланишинг лозим. 

"Барса" мухлислари фикрига кўра эса, ҳимояланиш яхши эмас. Сиз доимо чиройли ўйин кўрсатишингиз лозим. Аммо яхши ҳимояланиш ҳам жамоанинг сифатларидан биридир. Учта ҳимоячи билан ўйнаганимда ҳам мени танқид қилишган. Бундай схема тўрт ёки беш ҳимоячи билан ўйнаганингга қараганда ҳужумкорроқ ҳисобланади", - деди Куман.