Зидан: “Қишда жамоани ҳеч ким тарк этмайди, янгилар эса..”

“Биз яхши ўйин кўрсатдик, тезкор гол урдик. Бу муҳим эди. Аммо кейинчалик ҳаммаси ўзгариб кетди. Иккинчи бўлимда бизга қийин бўлди. Натижадан хурсандман, аммо ҳаммаси биз хоҳлагандек бўлмади.

Бизга ўз уйимизда тўп тепиш мароқли. Бу стадионга келадиган рақибларимиз таъбир жоиз бўлса, ҳаёт-мамот ўйинида майдонга чиққандек тўп тепишади.

Уч очкони қўлга киритдик ва ўйлайманки, вазиятни ўнглаша имкон бор. Ҳозир бизга етти яхши учрашувни ўтказишимиз талаб этилади.

Январдаги трансферлар? Жамоадан аниқ ҳеч ким кетмайди. Янгилар ҳақида гапирадиган бўлсам, ҳар нарса содир бўлиши мумкин. Кўрамиз”, дейди Зидан.