"Ювентус" 35 ёшли Куадрадога янги шартнома таклиф этди

"Ювентус" ярим ҳимоячи Хуан Куадрадога янги шартнома таклиф қилди, бу ҳақда футболчининг ўзи эълон қилди. Футболчининг туринликлар билан амалдаги шартномаси 30 июнга қадар амал қилади.

"Улар менга янги шартнома таклиф қилишди, аммо ҳозир бу ҳақда ўйламаяпман. Бу ҳақда кейинроқ гаплашамиз, дедим. Келишувга эришамиз ва юқори савияда ўйнашда давом этаман деган умиддаман", – деди колумбиялик футболчи.

Куадрадо Турин клубида 2015 йилдан буён тўп тепади. 35 ёшли ярим ҳимоячи ўтган мавсум барча мусобақаларда 47 та ўйин ўтказиб, 2 та гол ва 4 та ассистга муаллифлик қилди.

Аввалроқ "Ювентус" Заньолони А Серияга қайтармоқчи экани ҳақида хабар берилган эди.