Юрген Клоппнинг тўйида куёвжўра бўлган мутахассис "Шальке" бош мураббийига айланди
10 май 2019 15:58
Янгиликлар

Юрген Клоппнинг тўйида куёвжўра бўлган мутахассис "Шальке" бош мураббийига айланди

Келаси мавсумдан эътиборан Гельзеркирхеннинг "Шальке" жамоасини Давид Вагнер бошқаради.

Кеча клуб расмий сайти собиқ футболчиси саналган Давид Вагнер билан келишувга эришилгани ҳақида маълумот берди. Унга кўра, Давид Вагнер 1 июлдан ишга киришади ва жамоани янги мавсумга тайёрлайди. "Шальке" ва Вагнер ўртасидаги битим 2023 йилга қадар мўлжалланган.

Жорий мавсумни жуда ёмон ўтказаётган ва Бундеслигага 2 тур қолганида элитада расман жонини сақлаб қолган "Шальке"ни мавсум якунига қадар Хууб Стевенс бошқариб туради. Баҳорда эса клуб раҳбарияти жамоа билан муваффақиятсиз мавсумни ўтказган Доменико Тедескони истеъфо чиқарганди.

Эслатиб ўтамиз, Вагнер бунга қадар Дортмунднинг "Боруссия" клубининг иккинчи жамоаси ва АПЛ вакили "Хаддерсфилд"ни бошқарган. Эътиборли тарафи, айнан Вагнер жамоани АПЛга олиб чиқишни уддалаганди.

Қайд этиш керакки, Давид Вагнерни ўз вақтида Дортмунднинг "Боруссия" клубини иккинчи жамоасини бошқаришга Юрген Клопп чақирган ва ишонч билдирганди. Клопп "Боруссия"дан кетгач Давид Вагнер ҳам жамоани тарк этган ва Англиядан қўним топганди. Давид Вагнер Юрген Клоппнинг никоҳ тўйида куёвжўра бўлганлиги билан Германияда машҳур шахс саналади.

Янги мавсумдан эътиборан Юрген Клоппнинг ёқимтой мутахассиси Давид Вагнер маълум танаффусдан сўнг Германияга қайтади.

Ҳавола :

Манба : championat.asia

Янгиликларни Телеграмда ўқинг!

Рейтинг: +13